YESAYA 5:6 - WUKE SUSI WATTI'U AL᷊AL᷊USASSA

⁶ I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YESAYA 5:6 Iomraidhean Croise

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 8:35

Napawe uman-Nu ma'ola'a rosa Si'o wuṛṛu I'o makkuumanni mangitou ringannu tawe nanossokku uranna ana see i mangitou mawal᷊u wuassu rosa mangitou wuṛṛu mangaddatta Si'o Mawu, wua'udde sumaruanna watukku wal᷊en patataṛṛamawuanna indi see umal᷊iomanna Si'o,

AYUB 31:40

wala'ewe wal᷊ine jelai ara'e gandumma apan tumuwo su wailla, arawe ete nannal᷊o ṛoanna wuṛṛu akke.” Nasuete isindi manga wisaran Ayub.

AMSAL 24:31

Apan ta'u niasiloanna isudde tumba'u sinuananna ṛoaanna wuṛṛu manga akke. Tatandangnge lai naṛṛaate.

YESAYA 24:12

Soa na unote, wuṛṛu manga ngarane naṛṛaate pasi tal᷊eṛṛongnga.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

YESAYA 32:10

Orassa indi i yamiu wotongnge maapendamma mal᷊angnganna, arawe iraṛṛangngo santonna lai i yamiu sarun sumassilla, ana waugu hessin anggore sarun tawe mabbua, wuṛṛu hessin sinuananna lai tawe.

YESAYA 49:19

Wanuanu apan mamara wuṛṛu mal᷊annabba, orassa indi nabbal᷊ite maṛṛipusi'a su manga taumata apan mappulu mamanua isudde. Wuṛṛu manga taumata apan maapulu mamate si'o, maraute wua dingannu.

YESAYA 55:13

Alu cemara sarun mangganti aputta ṛoaanna sasuanna bunga mangganti manga pal᷊ampungnga. Udde mariaddi tadea'u i Ya'u tumelengnga; maola'a tatiala sarangkal᷊o'enge apan tawe mawul᷊i.”

YEREMIA 14:1

Mawu nabbisara arendi si ya'u su ola'u tandiawa apan masaddatta,

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YEREMIA 45:4

Ei Barukh! I Ya'u, Mawu, tantal᷊anna mapaṛṛa'an saranapa apan i Ya'u niaparisikka, wuṛṛu tantal᷊anna mangngabutta sasuanna apan Ta'u nisuanna. Ahewallu runia Ta'u olaanna aroddi abbi.

LAL᷊ALLU 2:6

I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

YOEL 1:7

I mangitou nanginsue pannu anggore ite, wuṛṛu punnu alu aran kite, ete nallame tuidde. Manga alune niluussi mangitou, na'oman sara manga rannane nabbal᷊i mawira.

AMOS 4:7

I Ya'u namo'a uranna mangansalla sutempo sinuanannu tumaniten mappandumma ua'e. I Ya'u nanossokku uranna su soa apan sambau wuṛṛu wal᷊ine su soa apan waine. Wawail᷊anna sambau na asomba aansallu urana, ewe'e wawail᷊anna waine mamara-mara.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.