YESAYA 5:12 - WUKE SUSI WATTI'U AL᷊AL᷊USASSA

¹² Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YESAYA 5:12 Iomraidhean Croise

PANDARIADDI 31:27

Anio i'o namahia si ya'u wuṛṛu nangingkatta ringannu mal᷊anna-l᷊annaba, ringannu tawe bawal᷊one? Unnu wisara i'o nabbawal᷊o, i ya'u sarun nandolokku ringannu mal᷊uassa apiddu mangantarin musikku rebana wuṛṛu kecapi!

2 SAMUEL 19:35

Uukku allangngu ual᷊ute pul᷊o su tonnane wuṛṛu tate lai apan botongnge mangonggollu al᷊al᷊uassa su allangngu. Allangngu tate lai maapendamma temangngu anna ara'e ua'e wuṛṛu tate lai maaringikka tingikku taumata mangngantari. Allangngu tumba'u maola'a winabbawan Tuangnga.

AYUB 34:27

Ana waugu i mangitou tawe tumuṛṛutta apulu-Ne, wuṛṛu tawe maddaringikka anambon parenta-Ne.

DARALO 28:5

I mangitou tawe mangareggan inolaannu Mawu, ara'e apa apan nimanara-Ne. Ne i Tou sarun makkuumanni mangitou, wuṛṛu mamate si mangitou saran mal᷊annu-l᷊annu.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

YESAYA 24:8

Tate lai aringiṛṛanna tengkellu kecapi apan maal᷊uassa wuṛṛu tingikku rebana apan ma'al᷊ala'a. Paddaramean taumata apan lulluassa naddote.

YESAYA 29:1

Nasilakate soan Yerusalem apan isassago mezbah Duata! Nasilakate soan tampan Daud naddasanna! Wala'e manga tonna uahahanti ringannu manga rameane.

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

YEHEZKIEL 26:13

I Ya'u sarun mapaaddo al᷊awo'u antarinu wuṛṛu musikku kecapinu.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

LUKAS 16:19

“Pia sangkatou ala. Peddenne mangkasagada aregane wuṛṛu wiakke mannampal᷊iu apiane su miallo-miallo.

1 KORINTUS 14:7

Manga sarannapan musikka apan tawe niawane saran kadio'a ere lihidde wansi wuṛṛu kecapi, amungkangngu aantarine tawe nalanganna ringannu mapia, ereapa taumata maasingkata antari apan nannalanganne udde?

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

1 SAMUEL 12:24

Pangaddatte Mawu wuṛṛu pattaṛṛamawute si Tou ringannu matammudda wuṛṛu ringannu ahewallu naungngu. Naungete manga inolaanna wahewalla apan buatte niolang-Nge si yamiu.