YESAYA 5:10 - WUKE SUSI WATTI'U AL᷊AL᷊USASSA

¹⁰ Hessin bawail᷊anna tawe maola'a, waillu anggore apan ahewalle mapul᷊o hektare tumba'u nangonggollu wuane mapul᷊o litere anggore. Maṛṛasutta su literene wualanna tumba'u nangonggollu wuane mapul᷊o litere gandumma.”

YESAYA 5:10 Iomraidhean Croise

SASABANGNGA 37:22

Leddan sol᷊o sarangkanambone udde ringannu manga lal᷊uwo wuṛṛu manga rannane niola'a wuassu sangkabuwu wul᷊awanna tutune apan nisassala.

YESAYA 32:13

ana waugu leta'u pabbawala'u nituwoannu ahuranganna wuṛṛu aputta ṛoaanna. Ore, luaite manga wal᷊enu tampa manga taumata mallal᷊umanna'a wuṛṛu soa apan napenen damea!

YESAYA 7:23

Sutempo udde manga wawail᷊annu anggore apan sambau-sambau nisuanannu saṛṛiwu su punnene wuṛṛu aregane saṛṛiwu lai roitta sal᷊a'a, sarun tuwoannu aputta ṛoaanna.

YEREMIA 48:33

Aikkuittu al᷊al᷊uassa nawul᷊ite su wanua Moab apan masuwukka. I Ya'u na'ola'a ua'en anggore naddo mangngelekka wuassu pamamakkannu anggore; tate lai taumata ma'ola'a anggore wuṛṛu maggion al᷊al᷊uassa.

YOEL 1:17

Wualanna nate su leta'a apan mamara. Tate gandumma sahipunanna, ne manga wal᷊ingkakka tate loṛṛone wuṛṛu nabbal᷊i ombon sapadda.

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

IMAMATTA 27:16

Amungkangngu pia sangkatou mangonggolu sasamba sambageanganna wuassu letange su Mawu, aregane ṛinone itantunna tumuṛuttu anambon wualanna apan ipaatta ipassuanna leta'a udde. Suapan ruan pul᷊o su kilone ganduma aregane mapul᷊o roitta sal᷊a'a.

HAGAI 1:6

I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

HAGAI 2:16

I yamiu inaite na'ellega ombon gandumma wuṛṛu massunna sarun maasomba 200 su kilone gandumma, arawe wutte'e tumba'u pia 100 su kilone. I yamiu inai mangabba 100 su literene anggore wuassu wowongngu anggore, arawe pia tumba'u 40 su literene.

TAHIUL᷊E 28:38

Manambo wualanna apan niasi'i yamiu, arawe matul᷊unga hessine apan asombanganni yamiu, ana waugu sasuannu nasuete ni'annu saṛṛappalanna.

TAHIUL᷊E 28:39

I yamiu sarun massuanna manga wawail᷊annu anggore wuṛṛu mappadul᷊i, arawe tawe maati'o wuan anggore udde wuṛṛu ma'inumma ua'ene, ana waugu punnu anggore udde nasuete niannu ul᷊idda.