YESAYA 48:8 - WUKE SUSI WATTI'U AL᷊AL᷊USASSA

⁸ I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YESAYA 48:8 Iomraidhean Croise

DARALO 40:6

Mawu, anambone eteapa inolaan-Nu si yami, oh Mawu Ruata'u, I'o taweddu panumandinganne! Tumaniten manambo ṛiin-Nu apan maatiangnga si yami, tawe iawatti'a abbi.

DARALO 51:5

Ana waugu i ya'u mangnga'u manga pasasal᷊a'u, rosa'u sidutu nanaungangku.

DARALO 58:3

Tawe, i yamiu manggol᷊agu al᷊al᷊eo, wuṛṛu mangngal᷊iba'ukka su wanua indi.

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YESAYA 46:8

Naungete wuṛṛu ṛingira'e, ei manga taumata mapontol᷊osanna!

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

YESAYA 48:7

Wakkute orassa indi Ya'u nandiandi udde wuṛṛu wal᷊ine dorone; taambe saran paassa i'o naaringikka hatto udde, tadea'u i'o tawe maawisara, manungku i'o masingkattu al᷊awo'a.

YESAYA 50:5

Mawu nangonggollu pasasunna si ya'u; i ya'u tawe lumawangnga ara'e tinumal᷊iudda si Tou.

YESAYA 57:4

Isaite apan ilaggen kamiu? Isaite apan aal᷊uandahanni yamiu? Wal᷊inewe i yamiu pallaṛṛiten taṛṛa awusu wuṛṛu mal᷊awangnga?

YEREMIA 3:20

Arawe naal᷊ihidda inangngu ana'a apan tawe satia, i'o lai tawe satia si Ya'u. I Ya'u, Mawu, buatte nabbisara.”

YEREMIA 5:11

Umattu Israel wuṛṛu Yehuda mangke atonna-tonna buatte namahia si I Ya'u. I Ya'u, Mawu, buatte nabbisara.”

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

YEREMIA 6:10

I ya'u sinumimbakka, “Mawu, ete sisai i ya'u ṛinone maggahatto, wuṛṛu isai apan ṛinone ta'u iapanaungnga? I mangitou puane maattikka wuṛṛu maddiri maddaringikka. I mangitou mallage'u wuṛṛu maddantinnu tanata-Nu apan ta'u niwal᷊o si mangitou.

HOSEA 5:7

I mangitou tate satia su Mawu; al᷊aṛṛana'i mangitou wal᷊ine al᷊aṛṛanangnge. Ana waugu udde, tate mal᷊annu lai i mangitou sarun pateanna suadio'a ringannu manga wawail᷊anni mangitou.

HOSEA 6:7

Arawe ere su Adam i yamiu tawe nanuungngu paairenu si Ya'u.

HOSEA 7:9

I mangitou tawe maatutukka manungku ete ana waugu pasasanggaal᷊oma ringannu manga walahanna udde, ne nawul᷊ite atatohassi mangitou. Panginsuenannu pabbiaṛṛanni mangitou maranite, arawe i mangitou wagga.

MALEAKHI 2:11

Umattu Yehuda buatte nilumawangnga paairen Duata si mangitou wuṛṛu ma'ola'a manga inolaanna apan maarantinna su Yerusalem wuṛṛu su ahewallu wanua. I mangitou buatte nandal᷊eo Wal᷊en Mawu apan arangnguanne wuṛṛu naawingngu manga wawine apan massubba manga mongannu walahanna waine.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

TAHIUL᷊E 31:18

Su tempo udde i Ya'u maddiri mantul᷊ungngi mangitou, ana waugu i mangitou, buatte nassubba manga Mawu wuṛṛu na'ola'a al᷊al᷊eo.