YESAYA 48:1 - WUKE SUSI WATTI'U AL᷊AL᷊USASSA

¹ Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.

YESAYA 48:1 Iomraidhean Croise

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

PANDARIADDI 35:10

Wisara Ruata si tou, “I'o tate lai isaggo i Yakub, ewe'e i Israel.” Etearoddi i tou nissagon Ruata i Israel.

2 MARARATU 17:34

Na'oman sara allo indi i mangitou ta'e mappaattu addata inanaramanni mangitou. I mangitou tawe mattaṛṛamawu Mawu wuṛṛu tawe lai tumuṛṛutta manga tita ana see lai manga parenta-Ne apan nionggoli Tou su papapulunni Yakub, apan isassago lai Israel.

2 MARARATU 5:20

I Gehazi allangi Elisa, naṛingidda, “Ah, anio i tou niwala napul᷊e ringannu tawe namaekka? Ṛinone i tuangku manengkamma aonggolu taumatan Siria udde! Ringannu arannu Mawu apan biakka, i ya'u ṛinone inai mangenggena si tou tadea'u maasomba aonggola wuassitou!”

DARALO 63:11

I mangitou sarun nate sulal᷊ummu pangalo, wuṛṛu mabbal᷊i inassu winatangnga mal᷊aṛṛaga.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 68:26

Su saruanne u'amatta manga mangangantari, su liudde manga mananalanga kecapi; su pattangnganne manga maṛṛuala mananengkella rebana; ete arendi antarin mangitou;

DARALO 68:27

“Paddalote Ruata su pattangngannu ammul᷊annu al᷊aṛṛanang-Nge, paddalote Mawu, ei anambon papapulunni Yakub!”

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

AMSAL 5:16

Tawe gunane i'o maddea'a atatemangnga su taumata apan bal᷊ine awingngu.

YESAYA 26:13

I yami buatte niparentannu manga mawu waine, arawe tumba'u I'o apan a'uanni yami, oh Mawu Ruatan kami!

YESAYA 44:5

Sangkatou-sangkatou sarun manga'u watanganne pussa'a-U, wuṛṛu rumanta maammulla ringannu papapulunni Yakub. Sangkatou-sangkatou mammoṛṛetta su limane: Pussa'a Mawu, wuṛṛu mannaggon batanganne umattu Ruata.”

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

YESAYA 46:12

Paddaringikke si Ya'u, ei manga taumata mawunga, i yamiu apan massunna manungku auntunganna ta'e marau.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

YESAYA 58:2

I mangitou massubba si Ya'u miallo-miallo, wuṛṛu maapulu maasingkatta apulu-U, paṛṛimaunapa i mangitou ma'ola'a apapia, wuṛṛu satia su tita-U. I mangitou mabbisara manungku i mangitou mal᷊uassa massubba si Ya'u wuṛṛu maapulun tita-Ku apan matul᷊idda.”

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YESAYA 65:16

Suapan taumata su wanua udde apan maddorongnga al᷊amatta, sarun maddorongnga al᷊amatannu Ruata apan satia. Suapan taumata apan massalu, sarun massalu ringannu arannu Ruata apan satia. Ana waugu asasusa apan dorone nawul᷊ite wuṛṛu nitimbul᷊ianante.”

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YEREMIA 44:26

Arawe orassa indi paddaringikke apa apan Ta'u iwisara si yamiu, ei taumatan Israel su Mesir: i Ya'u, Mawu, massalu ringannu arang-Ku apan mawantuga manungku i yamiu tate lai Ta'u iwala mappaattu arang-Ku ipakiinnu sambau paaire. I yamiu tawe wotongnge mabbisara, ‘I Ya'u massalu ringannu arannu Ruata apan biakka!’

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

IMAMATTA 19:12

Imbaṛṛangnga ma'ire ringannu arang-Ku amungkangngu i yamiu tawe maatipussa pa'aire udde, ana waugu ringannu udde mallobbossa arang-Ku. Ete i Ya'u Ruatanu.

MIKHA 2:7

Imbaṛṛangnga massunna umattu Israel buatte niwontohannu Mawu! Mawu sarun tawe ma'ola'a olangnge aroddi. I Tou saran paassa tawe mawul᷊i asasabbare-Ne. Wal᷊inewe i Tou uahahatto ringannu masaṛṛionto'a su manga taumata apan ma'ola'a apapia?”

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

ZAKARIA 5:3

Wua'udde i tou nabbisara si ya'u, “Su wuke lal᷊ul᷊unanna udde uawoṛṛetta wawontoga su ahewallu wanua indi. Su ul᷊appane paarorone uawoṛṛetta manungku suapan taṛṛa ta'o sarun iapasabbangnga wuassu wanua indi. Wuṛṛu su sangkulappa waine uawoṛṛetta manungku suapan taumata apan massalu awusu lai sarun iapasabbangnga.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

REENGANNA 24:7

I mangitou naasomba ua'en kuranna apan manambo-nambo, wualanna apan naasomba ua'ene manambo. Ratune sarun mawantuga, nangillembo wuassi Agag, wuṛṛu araratuanne sarun wantuhanna.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

YOHANES 4:24

Ana waugu Ruata udde Ghaṛṛahon, wuṛṛu tumba'u ringannu taṛṛinon Ghaṛṛahon Ruata manga taumata wotongnge massubba Iamangnga ere lai su olangnge udde.”

ROMA 2:17

Arawe orassa indi ereapa su manga tuṛṛangnga sassane? Tuṛṛangnga mangnga'u ririnu taumatan Yahudi. Tuṛṛangnga mangke tuttuṛṛutta titan agama Yahudi wuṛṛu tuṛṛangnga lulluassa ana waugu paa'aukku tuṛṛangnga ringannu Ruata.

ROMA 9:6

I ya'u tawe pandumma mamasingkata manungku paairen Duata tate ipaatta lai; arawe wal᷊ine anambon taumatan Israel udde walahanna apan nipilen Duata.

ROMA 9:8

Udde atappasanne manungku papapulunni Abraham apan maola'a al᷊aṛṛana'u Ruata, tumba'u papapulunne apan niasungkangnga ana waugu paaire Ruata; wuṛṛu wal᷊ine anambon papapulunne.

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

TAHIUL᷊E 33:28

Ne papapulunni Yakub sarun mabbiakka ringannu matammuda su wanua napenen gandumma wuṛṛu ua'e anggore, wuṛṛu niwokkannu angngukka wuassu langitta.

TAHIUL᷊E 5:28

Naaringikka udde, Mawu nabbisara si ya'u, ‘I Ya'u naaringikke wisaran balahanna udde, wuṛṛu wisaran mangitou atonna.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.