YESAYA 44:3 - WUKE SUSI WATTI'U AL᷊AL᷊USASSA

³ Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 44:3 Iomraidhean Croise

AYUB 5:25

Ana'a papapulunnu tawe iareengnga, i mangitou anambone ere nannal᷊o su wadda'a.

DARALO 107:35

Wadda'a niwal᷊u-Ne nabbal᷊i li'u pia ua'e, leta'a mamara nabbal᷊i al᷊imatan kua'e.

DARALO 63:1

Daralon Daud, sutempo i tou uatana'a su wadda'u Yehuda.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YESAYA 48:19

Pallaṛṛitenu sarun maola'a ere anambon anne; i Ya'u mallu'adda si mangitou ma'oman sara tawe pateanna.”

YESAYA 48:21

Sutempo i Tou namiaṛṛa'i mangitou su wadda'a mamara, i mangitou tawe naaṛṛaddannu rou. Mawu nama'a wowone watu wuṛṛu napa'elekku ua'e, wuassu watu udde sinumabbangnga ua'e huna mangitou.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 55:1

Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

YESAYA 61:9

Pallaṛṛitenu tumelengnga su anambon tampa, maddingikka suwallattu al᷊awo'u walahanna. Ne anambon taumata apan naasilo sarun manga'u, manungku walahanna indi Ta'u nial᷊amatanna.”

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

YEHEZKIEL 34:26

I Ya'u sarun mangal᷊amatta si mangitou wuṛṛu mamala mangitou matana'a su maranin wui-U apan na'ukkassa. I mangitou sarun Ta'u onggol᷊annu uranna napawe i mangitou mappandumma.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

YEHEZKIEL 47:8

I tou nabbisara si ya'u, “Sal᷊ukka indi mangngelekka wuassu ra'i sinumabbi wanua indi wuṛṛu sinumabbi Wawal᷊annu Sal᷊ukku Yordan mabbatukku Tahal᷊oangnga Nate. Napawe ua'ene na'omate su Tahal᷊oangnga Nate, ne ua'en tahal᷊oangnga mapakkada mabbal᷊i ua'e maammi.

HOSEA 10:12

Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

YOEL 3:1

Mawu nabbisara, “Sutempo udde Yerusalem wuṛṛu Yehuda sarun Ta'u iapawelengnga apia lal᷊umanangnge.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

MIKHA 5:7

Taumatan Israel apan ta'e uatana'a suwallattu manga walahanna sarun ere singa su pattangngannu manga winatangnga su mahurangnge ara'e su pattangngannu ammulannu domba su wadda'u nannal᷊o. Singa udde sinumutta su pattangngannu ammul᷊annu domba udde lapiddu maṛṛinda wuṛṛu mangke nanggaissa; tadewu apan naapallossu manga domba udde.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MATIUS 12:43

“Napawe ghaṛṛaho lal᷊eo nanantangken sangkatou, ghaṛṛaho udde namal᷊iwutte manga tampa apan mamara, madea'a tampa pangngillol᷊oanna arawe i tou tawe naasomba.

WATTI'U MANGA RASUL 10:45

Manga taumatan Yahudi apan mangngimanna Mawu Yesus wuṛṛu taumata uatantalongnga si Petrus wuassu Yope, sarangkanambone naherangnga naasilo Ruata nangonggolu Ghaṛṛaho-Ne su manga taumata walahanna waine apan wal᷊ine Yahudi.

WATTI'U MANGA RASUL 2:17

Ruata nabbisara, ‘Su panginsueannu runia I Ya'u sarun mangonggolu Ghaṛṛaho-U su anambon taumata. Al᷊aṛṛanangngu esakka wuṛṛu al᷊aṛṛanangngu wawine sarun mamasingkatta si yamiu manga inolaanna apan Ta'u ipaasingkatta si mangitou. Manga dario'a sarun maasilo inolaanna apan Ta'u iapasilo si mangitou. Manga taumata timmaddenu sarun mabal᷊iawa su ola'u wal᷊iawa apan Ta'u ionggolla si mangitou.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.