YESAYA 43:1 - WUKE SUSI WATTI'U AL᷊AL᷊USASSA

¹ Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 43:1 Iomraidhean Croise

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

DARALO 102:18

I Tou sarun maddaringikka aal᷊iomannu al᷊aṛṛanang-Nge apan uatataṛṛanga, wuṛṛu tawe mapawelengngu darorongngi mangitou.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

SASABANGNGA 33:17

Unnu Mawu si Musa, “Darorongngu sarun Ta'u daringiṛṛanna, ana waugu i Ya'u masingkannu wuṛṛu i Ya'u mal᷊uassa si'o.”

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 42:6

“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 43:5

Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

YESAYA 43:7

Ana waugu i mangitou sarangkanambone buatte niwagoannu ringannu arang-Ku, i mangitou Ta'u niriaddi iapawantuga si Ya'u.”

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

YEREMIA 33:24

“Buattewe i'o nanutukka wisaran taumata ipabbisara Israel wuṛṛu Yehuda? I mangitou mabbisara manungku i Ya'u buatte nandammen walahanna darua indi apan buatte Ta'u nipile udde. Ana waugu udde i mangitou mangngaddio'a uma-U, wuṛṛu tate lai ma'ellega si mangitou udde sambau walahanna.

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

MALEAKHI 3:17

Mawu Apan Lembontaṛṛino nabbisara, “I mangitou sarun mabbal᷊i uma-U. Su allo udde i Ya'u mammanara, i mangitou sarun maola'a pussa'a arangnguang-Ku. I Ya'u sarun umakkanni mangitou, ere sangkatou iamangnga u'akkannu anangnge apan matuṛṛutta si tou.

WATTI'U MANGA RASUL 27:20

Mal᷊annu i yami tawe naasilo matannallo wuṛṛu anumpitanna, wuṛṛu anginna mangke sidutu tuttiuppa. Panginsueanne i yami inawul᷊ianu antimma mabbiakka.

WATTI'U MANGA RASUL 27:25

Ana waugu udde manga tuṛṛangnga, ṛinone manga tuṛṛangnga pia antimma! Ana waugu i ya'u mangngimanna Ruata manungku sarangkanambone sarun matipussa ere niwal᷊on Tou si ya'u.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.