YESAYA 4:4 - WUKE SUSI WATTI'U AL᷊AL᷊USASSA

⁴ Ringannu taṛṛino-Ne Mawu sarun makkuungnga wuṛṛu mamaresi uman-Ne. I Tou sarun mamaresi Yerusalem wuassu daṛṛa manga taumata apan nipate su soa udde.

YESAYA 4:4 Iomraidhean Croise

DARALO 51:2

napawe i tou nitaguanni Nabi Natan ana waugu sinumandaga si Batsyeba.

ANTARI MAWANTUGA 3:11

Sabbangke, ei manga maṛṛualan Sion, pa'ellege si Ratu Salomo ringannu mahkota apan niluṛṛen inangngene, su allo nipaawinganne, su allo i tou lulluassa.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

YESAYA 1:25

I Ya'u sarun mabbal᷊issa si yamiu. Naal᷊ihidda taumata apan mammaresi logamma, i yamiu sarun Ta'u waresianna; al᷊awo'a apan pia luhudde sarun Ta'u iramme wua dinganni yamiu.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 28:6

Mawu sarun mangonggollu apendamma matul᷊idda su manga mallaṛṛuungnga, wuṛṛu awawaṛṛani su manga taumata apan uamanara mandiaga soa wuassu pangalo.

YESAYA 9:19

Su ahewallu wanua udde taumata maṛṛanggotta wuṛṛu u'anna wiakka apan botongnge iwo'o, arawe tawe maapendamma mal᷊aidda. Ewe'e i mangitou u'inassa manga hawe mangitou sassane!

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

YEHEZKIEL 22:15

I Ya'u sarun manal᷊iawukku tumanangngu su ahewallu wanua wuṛṛu walahanna, wuṛṛu i Ya'u sarun mapaaddon inolaannu apan dal᷊eo udde.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YEHEZKIEL 36:29

I yamiu sarun Ta'u iliu wuassu al᷊awo'u al᷊al᷊eonu. I Ya'u sarun mangonggollu parenta su gandumma tadea'u tumuwo ringannu masuwukka ma'oman sara i yamiu tate lai aṛṛiaannu ṛutumma.

ZEFANYA 3:1

Niawontohante Yerusalem, soa mal᷊awangnga apan apulune mammangalo Mawu wuṛṛu mangngallanga tumanangnge sassane!

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!