YESAYA 4:3 - WUKE SUSI WATTI'U AL᷊AL᷊USASSA

³ Suapan taumata apan natantangnga su Yerusalem, manga taumata apan nipilen Duata apan sal᷊amatanna, sarun isaggo na'ukkassa.

YESAYA 4:3 Iomraidhean Croise

DARALO 69:28

Wala'e pasasal᷊an mangitou aatambanna anambone; arie i mangitou iapaṛṛino.

DARALO 87:6

Mawu sarun mapasuttan manga walahanna sulal᷊ummu reengannu tumana'u Yerusalem.

YESAYA 1:27

Mawu udde matul᷊idda, ne i Tou sarun manal᷊amatta Yerusalem wuṛṛu manga taumatane apan sinumassilla.

YESAYA 28:5

Mawu Apan Lembontaṛṛino sarun maola'a wunga apan maṛṛamaga su uman-Ne apan nallambe.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 46:3

Paddaringikke si Ya'u, ei papapulunni Yakub, i yamiu sarangkanambone lambene wuassu uma-Ku. I Ya'u buatte nappaddul᷊i si yamiu ro'en i yamiu niasungkanga.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

YEHEZKIEL 43:12

Eteindi ola'u atokku Wal᷊e Mawu: Ehewallu wageangngu leta'a maranine su puiddu wowone uddewe lembon na'ukkassa.”

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

OBAJA 1:17

“Arawe su Wowon Sion, sarun piaddu masal᷊amatta, wuṛṛu wowone udde mabbal᷊i tampa apan niaṛṛae huna-U. Ne papapulunni Yakub sarun maatahuanna apia leta'a pussa'an mangitou.

ZAKARIA 14:2

Mawu sarun mangammullu anambon balahanna iapapangalo Yerusalem. Soa udde sarun iaanu, manga wal᷊ene nipangngaṛṛoanna, wuṛṛu manga wawine nilal᷊eo. Sambageanganna wuassu tumanangnge sarun ṛuwoana watukku pamamuanganna, arawe lambene sarun matana,a su soa udde.

MALEAKHI 3:16

Ana see manga taumata apan matta'uttu Mawu uahahatto sangkatou ringannu sangkatou. Mawu maddaringikka wuṛṛu mannutukka apa apan iwabbisaran mangitou. Manga taumata apan mangngaddatta si Tou wuṛṛu matta'utti Tou, aranne iwoṛṛetta sulal᷊ummu buken pamoṛṛetanna su saruan-Ne.

LUKAS 10:20

Salaiwe aroddi arie lumuassa ana waugu manga ghaṛṛaho lal᷊eo nassuṛṛubawa si yamiu. Mappianne i yamiu lulluassa ana waugu arannu uawoṛṛetta su surga.”

WATTI'U MANGA RASUL 13:48

Su tempo manga walahanna waine apan wal᷊ine Yahudi naaringikka udde, i mangitou lembon lulluassa, see mangke maddalo wisara Mawu. Wuṛṛu manga taumata apan suete nitantunnu Ruata maasomba wiakka tutune wuṛṛu saran mal᷊annu-l᷊annu, manga taumata udde mangngimanna.

ROMA 11:4

Apa sasimbakku Ruata si Elia? Ruata sinumimbakka, “I Ya'u buatte nanantangngu pitu ṛiwu su atoune hunane su riri-U sassane. Taambe saran paassa i mangitou nassubba paal᷊uanni Baal.”

ROMA 11:5

Aroddi lai orassa indi: Pia sire pira manga taumata apan buatte nipilen Duata ana waugu al᷊aman-Ne.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.

SONDAPPA 20:15

Manga taumata apan aranne tawe uawoṛṛetta sulal᷊ummu Wuken Taumata Wiakka, iramme sulal᷊ummu tahal᷊oangngu putungnga.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

SONDAPPA 3:5

Si mangitou apan naauntunga sarun luṛṛeannu jubah mawira. Aranni mangitou tawe Ta'u pappasanna wuassu Wuken Taumata Wiakka. Wuṛṛu su saruannu Iamang-Ku wuṛṛu manga mala'ekan-Ne i Ya'u sarun manga'u manungku i mangitou udde pussa'a-U.