YESAYA 39:3 - WUKE SUSI WATTI'U AL᷊AL᷊USASSA

³ Wua'udde i Nabi Yesaya sinumaruanna si Ratu Hizkia wuṛṛu naiwal᷊o, “Wuassuapa manga taumata udde? Apa unni mangitou?” I Hizkia sinumimbakka, “I mangitou wuassu Babel, wanua apan marau.”

YESAYA 39:3 Iomraidhean Croise

2 SAMUEL 12:1

Wua'udde Mawu nandolokki Nabi Natan inai ringanni Daud. I Natan inaite ringanni tou wuṛṛu nabbisara, “Pia ruan katou apan uatana'a sulal᷊ummu sambau soa; sangkatou ala wuṛṛu sangkatou lai asiangnga.

2 TAWARIKH 16:7

Sutempo udde i Nabi Hanani nirumanta ringanni Ratu Asa wuṛṛu nabbisara, “Ana waugu i'o uaantimma ratun Siria, wuṛṛu wal᷊ine uaantimma Mawu Ruatanu, ne nawul᷊ite temponu ipamaddon tantaran ratun Israel.

2 TAWARIKH 19:2

sangkatou nabi aranne i Yehu ana'i Hanani nirumanta sinumaruanna ratu. Nabbi udde nabbisara ratu, “Apa naṛṛinote i Tuangnga nassumbala Taumata lal᷊eo, wuṛṛu mannamba'a taumata apan maddantinnu Mawu? Inolaanni Tuangnga udde naasa'u naungngu Mawu si Tuangnga.

2 TAWARIKH 25:15

Inolaanne udde naasa'u naungngu Mawu. Mawu nandolokku sangkatou nabi inai ringanni Amazia. Nabi udde nabbisara, “Anio i Tuangnga massubba mongannu walahanna waine apan tawe maapanal᷊amatta walahanna sassane wuassu taṛṛinon Tuangnga?”

YESAYA 38:1

Sutempo udde i Hizkia nirumadda'a wuṛṛu ete addio'a nate. I Nabi Yesaya ana'i Amos, nattembo si tou wuṛṛu nabbisara, “Mawu nannanata tadea'u i Tuangnga manginsue anambon manara, ana waugu i Tuangnga tawe mapia wuassu radda'a. Tate mal᷊annu lai i Tuangnga sarun mate.”

YESAYA 38:5

apia niapawelengnga ringanni Hizkia wuṛṛu namasingkattu tanata indi, “I Ya'u, Mawu, Ruata apan sassubbanni Daud al᷊amonanu, buatte naddaringikka aal᷊iomannu wuṛṛu na'ellega allo matanu. I Ya'u sarun manamba uukku mapul᷊o l᷊ima su tonnane lai.

YESAYA 39:4

“I mangitou ma'ellega apa indi su wal᷊en araratuanna?” aiwal᷊on Yesaya apia. “Sarangkanambone,” sasimbakki Hizkia. “Tawe sambau saranapa sulal᷊ummu paa'alan araratuanna apan tawe ta'u niapasilo si mangitou.”

YEREMIA 4:16

I mangitou mapaanaungngu manga araratuanna wuṛṛu namasingkatta tumana'u Yerusalem manungku seetta inawarendite nirumanta wuassu wanua apan marau. I mangitou mangikkuittu gahoressan pangalo su manga soan Yehuda

YEREMIA 5:15

Ei ummattu Israel, Mawu tantal᷊anna mandantan sambau walahanna wuassu wanua apan marau tadea'u iapapangalo si yamiu. Walahanna udde piate ro'en al᷊amonane, pabbawisarane tawe asunnanni yamiu,

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

YOSUA 9:6

Ringannu olange aroddi i mangitou inaite naisasomban i Yosua su paddasananna su Gilgal ana see nabbisara si tou wuṛṛu su manga taumatan Israel, “Yami nirumanta wuassu wanua marau mappulu ma'ola'a pa'aire ringannu manga Tuangnga.”

YOSUA 9:9

I mangitou sinumimbakka, “Yami nirumanta wuassu wanua apan marau atonna, Tuanga, ana waugu yami naaringikka su ola'u Mawu Ruata apan sasubbannu manga Tuanga. Yami naaringikka anambon inolaanne su Mesir,