YESAYA 30:1 - WUKE SUSI WATTI'U AL᷊AL᷊USASSA

¹ Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 30:1 Iomraidhean Croise

2 MARARATU 18:21

I'o atonna uaantimma sasumbala wuassu Mesir, arawe udde uasul᷊ungu nappaattu akke niola'a ta'inna; ta'inna udde sarun mapaddi wuṛṛu limanu mal᷊okko'a. Etearoddi inolaannu ratun Mesir su anambon taumata apan mangngantimma si tou.’ ”

2 MARARATU 18:24

Sara ipando'appa tembonannu tantaran kami awawoanne lai, yamiu wal᷊ine ro'amme. Arawe i yamiu lai uaantimma Mesir mangirimmu sasumbala keretan pangalo wuṛṛu tantara uasa'e awal᷊o!

DARALO 61:4

ana waugu ete I'o mallal᷊ua'u, pattillumanna apan matohassa su saruannu see'u.

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 28:20

I yamiu naal᷊ihidda taumata apan aamatiil᷊ante sulal᷊ummu antilla apan maautta pamatangannu waddangnga. Nasane tawe mal᷊alakka tamaataappa watangannu.

YESAYA 29:15

Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 4:5

Ana see Buiddu Sion wuṛṛu awadaalla apan uaammulle isudde Mawu nandiaddi winabbawa sutempo allo, see lai timbulla wuṛṛu semakka sutempo ṛabbi. Ruata sassane ringannu taṛṛino-Ne sarun manilumma wuṛṛu mallu'adda ahewallu soa udde.

YESAYA 5:18

Nasilakate i yamiu apan tawe illol᷊one ma'ola'a rosa!

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

YESAYA 8:11

I ya'u nitaṛṛinoannu Mawu wuṛṛu nionggol᷊annu tatagu tadea'u tawe mallaṛṛenggenna lal᷊anna apan amatannu walahanna udde. Wisara-Ne,

YESAYA 8:12

“Arie massunna komplotanna apan aellehanni mangitou komplotanna, wuṛṛu arie mata'uttu manga inolaanna apan iaata'utti mangitou.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

YEREMIA 17:5

Mawu nabbisara, “Napawe taumata manantangku, Mawune, wuṛṛu uaantimma su taumata wuṛṛu uaasakku ara'e uawansaggu atatohanne, ne i Ya'u sarun makkuumanni tou.

YEREMIA 2:18

Apa untungnge i'o mabbatukku Mesir? Inai ma'inumma ua'en Sal᷊ukku Nil? Apa untungnge i'o mabbatukku Asyur? Inai ma'inumma ua'en Sal᷊ukku Efrat?

YEREMIA 37:7

mabbisara arendi su daroloṛṛanni Zedekia: “Wal᷊oa'e si Zedekia, ‘Tantara Mesir apan tantal᷊anna mattudda inawarendi massumbala si'o, sarun mabbelengnga mapul᷊e.

YEREMIA 4:17

wuṛṛu malliwunna Yerusalem ere taumata uariagga wailla. Sarangkanambone udde mariaddi ana waugu walahannu Yehuda buatte nilumawangnga Mawu. Mawu buatte nabbisara.

YEREMIA 42:19

Wua'udde i ya'u nabbisara apia, “Mawu buatte namarenta tadea'u i yamiu apan ta'e lambene su Yehuda tawe inai su Mesir. Ana waugu udde i ya'u mapanaungnga si yamiu orassa indi

YEREMIA 5:23

Arawe puan kamiu maattikka wuṛṛu apulune lumawangnga; i yamiu buatte sinumewadda i Ya'u tinantangkeng kamiu.

YEHEZKIEL 11:2

Ruata nabbisara si ya'u, “Ei taumata apan mattate, eteindi manga taumata apan manggol᷊agu al᷊al᷊eo su soa indi wuṛṛu mangngonggolu al᷊aṛṛa'a apan mangngal᷊iwu.

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YEHEZKIEL 24:3

I Ya'u, Mawu, pia sambau sasumandingnga iapasingkatta su uma-U apan apulune lumawangnga: Lal᷊ina'a ua'e sulal᷊ummu awali ana see wuntal᷊a'e su putungnga.

YEHEZKIEL 29:16

Israel tate lai maddorongnga sasumbala si'o. Pal᷊addu pabbiaṛṛannu ei walahannu Mesir sarun mapanaungngu Israel aroddi nial᷊iwune mangngasakku Mesir, ere buatte niolangne. Ne Israel naasingkatte manungku ete i Ya'u Mawu Apan Atanggaṛṛanne.”

YEHEZKIEL 3:9

I'o Ta'u olaanna atohanne ere rapappakka wuṛṛu aatikke ere intan. Arie mata'uttu manga lumal᷊awangnga udde.”

HOSEA 11:6

Pangalo sarun maddisikka maddatingngu sara lal᷊ummu manga soan mangitou, manga ngara mal᷊oangnga sarun ihohakka, wuṛṛu uma-U pateanna. Udde nariaddi ana waugu i mangitou tuttuṛṛuta apulune sassane,

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

REENGANNA 32:14

Lumawangnga ere manga iamangngu! I yamiu atonna ammul᷊annu manga taumata marosa apan ma'ola'a asasa'un Mawu nangillembo su walahannu Israel!

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

YOSUA 9:14

Ne manga taumatan Israel nanengkama addio'a wiakku taumatan Gibeon udde, wuṛṛu tawe naiwal᷊o Mawu su ola'u hatto udde.