YESAYA 26:6 - WUKE SUSI WATTI'U AL᷊AL᷊USASSA

⁶ Manga taumata asiangnga wuṛṛu susa sarun makkinda si mangitou.”

YESAYA 26:6 Iomraidhean Croise

2 MARARATU 9:33

I Yehu nabbisara si mangitou, “Tuntunga'e i tou inawaroddi!” Ne i mangitou nanuntungken Izebel inawaroddi ana see. I tou nailarannu keretane na'oman sara daṛṛane nassiappa su darandunga wuṛṛu su manga awal᷊on kereta udde.

YESAYA 11:4

Taumata asiangnga ṛuunganne ringannu matul᷊idda, taumata lome sasamba'anne ringannu atonna; taumata nassal᷊a iṛṛuumanna wuassu parentane, taumata lal᷊eo radda'anne.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 28:3

Ilalluassu manga piaṛṛa'a apan wu'anna udde sarun ṛindanna.

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 3:15

Anio i yamiu mangngallangnga uma-U wuṛṛu manganu saranapan taumata asiangnga? I Ya'u, Mawu Apan Atanggaṛṛanne wuṛṛu Lembontaṛṛino buatte nabbisara.”

YESAYA 37:25

I'o lai mammunga manungku i'o na'al᷊i paṛṛihi wuṛṛu ma'inumma ua'e su manga wanua waine, wuṛṛu manungku tantaranu mangke makkinda Sal᷊ukku Nil na'oman sara namara.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

YEREMIA 50:45

Ana waugu udde, paddaringikke apa apan Ta'u ihol᷊aga su saruannu soan Babel, wuṛṛu apa apan Ta'u olaanna su saruannu tumanange. Al᷊aṛṛana'i mangitou lai sarun wol᷊enganna inai, wuṛṛu anambon taumata sarun mata'utta.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

MALEAKHI 4:3

Su allo udde i Ya'u sarun mammanara, wuṛṛu i yamiu sarun mamaddon manga taumata lal᷊eo, ma'oman sara i mangitou ere awu apan lakkindanni yamiu.

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

1 KORINTUS 1:26

Manga tuṛṛangnga! Naunge'o ereapa ola'i yamiu su tempo Ruata namaggo si yamiu. Tumba'u adio'a wuassu wallatti yamiu apan pande, ara'e pia taṛṛinone, ara'e pia manarane matanggakka tumuṛṛuttu aellegu taumata.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YOSUA 10:24

wuṛṛu niapidda ringanni i Yosua. Ana see Yosua nangammulu taumatan Israel, wua'udde namarenta tadea'u manga tembonannu tantara apan tinumantalonga napapangalo ringanni tou iaparanta makkinda ullekka manga ratu udde. Ne manga tembonannu tantara udde nirumantate wuṛṛu nakkinda ullekka manga ratu udde.

SONDAPPA 2:26

I mangitou apan naauntunga, wuṛṛu saran pangudusanne ma'ola'a apa ipaapulu-U, sarun Ta'u onggol᷊annu taṛṛino apan uasul᷊ungnga ere Ta'u sinengkama wuassu Iamang-Ku. I mangitou sarun manengkama taṛṛino wuassia-U ipamarenta manga walahanna ringannu ta'inna atta'a, wuṛṛu ipakkimunsa'a manga walahanna udde ere urinna leta'a.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.