YESAYA 26:15 - WUKE SUSI WATTI'U AL᷊AL᷊USASSA

¹⁵ I'o buatte napaanambon kami uman-Nu, oh Mawu, wuṛṛu nanggewalla wageangngu leta'i yami, ana waugu udde I'o wantuhanna.

YESAYA 26:15 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

1 MARARATU 8:46

Amungkangngu uman-Nu marosa Si'o – mangke atonna tawe saran sangkatou apan tawe marosa – ana see ana waugu asasa'u-Nu i mangitou niwala-Nu iawaddon seetta, wuṛṛu niapidda naola'a taumata niatawanna watukku sambau wanua apan marau ara'e marani,

2 MARARATU 17:23

na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

NEHEMIA 9:23

I'o na'ola'a papapulunni mangitou anambone ere manga anumpitanna su winalanganna. I'o nangonggollu leta'a si mangitou maola'a tampa atatanaanne, leta'a apan buatte nipa'ire-Nu su iupungngu al᷊amonane.

AYUB 12:23

Manga walahanna niolang-Nge aatambanna wuṛṛu su lal᷊umanna'a, ana see nipate-Ne i mangitou na'oman sara nasue.

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YESAYA 33:17

Sarun a'omanna tempone i yamiu maasilo sangkatou ratu apan mammarenta ringannu mawantuga su wanua apan uawatadda su ahewallu pi'une.

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YESAYA 6:12

tumana'u manga soa udde sarun Ta'u limbuaṛṛanna watukku tampa apan marau, na'oman sara ahewallu leta'a mabbal᷊i mal᷊annabba.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 9:3

I'o buatte nanaṛṛia'u winabbawane apan mawakkatta wuṛṛu alu papasanna wuassu wambangnge. I'o namaddon walahanna mangngallanga udde apan mammaṛṛangnga uman-Nu. Ere lai sutempo apan nanangkal᷊iu sutempo I'o namaddon tantaran Midian.

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

YEREMIA 32:37

I Ya'u sarun manggemonnu walahanna indi wuassu anambon banua sutampa i mangitou Ta'u nisal᷊iawukka ana waugu asasa'u-U wuṛṛu araṛṛagi-U si mangitou. I mangitou sarun Ta'u iapidda mapul᷊e watukku tampa indi wuṛṛu Ta'u iwala matana'a isindi ringannu matammudda.

YEHEZKIEL 36:24

Wuassu anambon balahanna wuṛṛu wanua, i ya'u sarun Ta'u iammulla wuṛṛu Ta'u iapapul᷊e watukku letangngu sassane.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

REENGANNA 23:10

Papapulunni Yakub naal᷊ihidda awu tawe iareengnga; walahannu Israel reenganne tumaniten manambo. Antimanna i ya'u mate ere sangkatou taumata matul᷊idda doronganna papate'u ere papate manga taumata udde.”

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

YOHANES 15:8

Amungkangngu i yamiu mabua manambo, Iamang-Ku wantuhanna; wuṛṛu ringannu aroddi yamiu atonna-tonna maola'a mallal᷊aṛṛenggeng-Ku.

YOHANES 17:1

Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.

TAHIUL᷊E 10:22

Su tempo iupungngu al᷊amonanu inaite watukku Mesir, reenganni mangitou tumba'u pitun pul᷊o su atoune. Arawe Mawu Ruatanu buatte na'ola'a reengannu anambone ere anumpitanna su langitta.”

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.