YESAYA 24:3 - WUKE SUSI WATTI'U AL᷊AL᷊USASSA

³ Runia sarun mattal᷊eṛṛonga wuṛṛu ṛimunsaanna. Mawu buatte nabbisara, wuṛṛu olangnge udde sarun matipussa.

YESAYA 24:3 Iomraidhean Croise

2 TAWARIKH 36:21

Etearoddi natipusse sarangkanambone apan niwisaran Mawu si Yeremia manungku wanua udde sarun maola'a wanua lol᷊okka 70 su tonnane al᷊annune apan maola'a lal᷊anna'u manga allon Sabat apan tawe ilaghu.

YESAYA 21:17

Manga taṛṛa piti'u Kedar uddewe taumata apan awaṛṛanianne. Arawe tumba'u matul᷊ungnga wuassi mangitou apan masal᷊amatta. I Ya'u, Mawu Ruatan Israel buatte nabbisara.”

YESAYA 22:25

Amungkangngu udde mariaddi, ne passa'a apan nipa'u ringannu ma'uatta udde sarun mapallossa wuṛṛu manawo. Wuṛṛu eteudde panguddusannu ṛuanganna wuṛṛu anambon taumata apan uaantimma si tou. I Ya'u, Mawu, buatte nabbisara.”

YESAYA 24:1

Mawu sarun mapaawinasan dunia, ma'oman sara mal᷊ol᷊okka wuṛṛu mal᷊annabba. I Tou sarun mangal᷊isangu wowon dunia wuṛṛu manal᷊iawukku tumanangnge.

YESAYA 24:2

Anambon taumata sarun maapendamma pal᷊addu pabbiaṛṛanna apan uasul᷊ungnga: manga imam wuṛṛu ana'u wanua, allangnga awalli wuṛṛu ṛamawuanne, mabbawal᷊u'a wuṛṛu mamamalli, mabbawallassa wuṛṛu iapa mappawallassa, ala wuṛṛu asiangnga.

YESAYA 24:4

Runia mabbal᷊i mamara wuṛṛu tumol᷊angnga, ahewallu runia massusa su sambau.

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YEREMIA 13:15

Umattu Israel, Mawu buatte nabbisara! arie pamunga, paddaringikka si Tou!

MIKHA 2:4

Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

TAHIUL᷊E 29:28

Asasa'u Mawu mangke sinumopa, wuṛṛu sulal᷊ummu asasa'u-Ne apan bahewalla udde i Tou nallimbuakka walahannu Israel wuassu leta'i mangitou wuṛṛu nangapidi mangitou watukku wanua apan awagananna, na'oman sara i mangitou natana'e poiaroddi.’