YESAYA 24:16 - WUKE SUSI WATTI'U AL᷊AL᷊USASSA

¹⁶ Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 24:16 Iomraidhean Croise

DARALO 106:15

I Tou nangonggolu apa apan raddoronganni mangitou, arawe lai sa'itta apan nirumanta si mangitou.

DARALO 119:158

I ya'u maddantinna maasilo manga taumata lal᷊eo udde, ana waugu i mangitou tawe maddaringikka al᷊aṛang-Ngu.

DARALO 2:8

Padorongke, ne anambon walahanna Ta'u ionggola Si'o, wuṛṛu ahewallu runia Ta'u olaanna pussaanu.

DARALO 58:10

Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.

DARALO 65:8

I'o napal᷊enakku tandi'u tahal᷊oangnga wuṛṛu daṛṛan lua'a, wuṛṛu I'o napal᷊annabu al᷊iba'ukku manga walahanna.

DARALO 67:7

Leta'a buatte nangonggolu hessine, Ruata, Ruatan kite buatte nangal᷊amatta si ite.

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

YESAYA 17:4

Mawu nabbisara, “Sarun a'omanna tempone awawantugu Israel muddussa, wuṛṛu pa'a'alane mawul᷊i.

YESAYA 21:2

I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 26:15

I'o buatte napaanambon kami uman-Nu, oh Mawu, wuṛṛu nanggewalla wageangngu leta'i yami, ana waugu udde I'o wantuhanna.

YESAYA 28:5

Mawu Apan Lembontaṛṛino sarun maola'a wunga apan maṛṛamaga su uman-Ne apan nallambe.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

YEREMIA 3:20

Arawe naal᷊ihidda inangngu ana'a apan tawe satia, i'o lai tawe satia si Ya'u. I Ya'u, Mawu, buatte nabbisara.”

YEREMIA 5:11

Umattu Israel wuṛṛu Yehuda mangke atonna-tonna buatte namahia si I Ya'u. I Ya'u, Mawu, buatte nabbisara.”

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

HOSEA 5:7

I mangitou tate satia su Mawu; al᷊aṛṛana'i mangitou wal᷊ine al᷊aṛṛanangnge. Ana waugu udde, tate mal᷊annu lai i mangitou sarun pateanna suadio'a ringannu manga wawail᷊anni mangitou.

HOSEA 6:7

Arawe ere su Adam i yamiu tawe nanuungngu paairenu si Ya'u.

IMAMATTA 26:39

Sambageanganna addio'a wuassi yamiu apan ta'e wiakka su wanuan seennu sarun masusa ana waugu rosan sassane wuṛṛu rosan al᷊amonanu.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

HABAKUK 1:13

Arawe ereapa I'o maataṛṛangnga ma'ellega manga taumata lal᷊eo apan maṛṛagissa udde? Wal᷊inewe I'o tumaniten susi ipa'ellega al᷊al᷊eo? Wal᷊inewe I'o tattaṛṛa muta ma'ellega tawe atatul᷊idda? Nariaddi, anio I'o sidutu mal᷊annaaba sutempo taumata na'ukkassa niṛṛimunsa'u taumata lal᷊eo?

HABAKUK 1:3

Anio niwala-Nu i ya'u ma'ellega aroddi anambone al᷊al᷊eo? Ṛatadde I'o maataṛṛangnga maasilo aroddi anambone pallal᷊awangnga? Su al᷊awo'u tampa pia araṛṛimunsa'a wuṛṛu araṛṛagissa, pabbawawul᷊o wuṛṛu pattatiakka.

MARKUS 13:27

I Tou sarun mandolokku manga mala'ekatta mangammulu al᷊awo'u walahanna wuassu pi'un runia appatta, wuassu manga pentakku runia wuṛṛu manga pentakku langitta.”

WATTI'U MANGA RASUL 13:47

Ana waugu indi parenta Mawu si yami: Mawu nabbisara, ‘I Ya'u suete namile si yamiu maola'a semakka su manga taumata waine apan wal᷊ine Yahudi, tadea'u i yamiu mangapiddu asasal᷊amatta su ahewallu runia.’ ”

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!