YESAYA 24:1 - WUKE SUSI WATTI'U AL᷊AL᷊USASSA

¹ Mawu sarun mapaawinasan dunia, ma'oman sara mal᷊ol᷊okka wuṛṛu mal᷊annabba. I Tou sarun mangal᷊isangu wowon dunia wuṛṛu manal᷊iawukku tumanangnge.

YESAYA 24:1 Iomraidhean Croise

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

NEHEMIA 1:8

Oh Mawu, naungewe manga wisara-Nu, manungku amungkangngu i yami, umattu Israel, tawe satia Si'o, i yami sarun isal᷊iwukku Mawu suwallattu manga walahanna waine.

DARALO 146:9

I Tou mannillumma manga taumata raho; i Tou nantul᷊ungngu manga inawal᷊uanna wuṛṛu asisin timpal᷊uassa, arawe nanal᷊are hol᷊agu taumata lal᷊eo.

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 13:5

I mangitou nirumanta wuassu manga wanua marau su pentakku runia. Sulal᷊ummu asasa'u-Ne Mawu nappaatti mangitou ipamate ahewallu runia.

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 24:19

Runia nawa'a, napussa'a wuṛṛu niumio'a.

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 27:10

Soa pia tanda'a watune udde nabbal᷊ite lallangoanna wuṛṛu nitantangnga ere wadda'a mal᷊alangnga apan tawe loṛṛone. Ammul᷊annu winatangnga papadul᷊iananna u'anna wuṛṛu mangngillol᷊o isudde lapiddu mangnginsue manga rongnga wuassu manga rannan kalu.

YESAYA 29:16

Al᷊awo'a iwabbal᷊elonga. Suapane apan ahunanne,maaola'a urinna ara'e leta'a maṛṛamu? Wotongnge iapa a'olaanna mabbisara siapa ma'aolangnge, “Wal᷊inewe i'o apan na'ola'a si ya'u”? Ara'e wotongngewe saranapa udde mabbisara si tou, “I'o tawe ma'aola'a apa-apa”?

YESAYA 29:2

Arawe Ruata sarun mandanta asasilaka su soa udde, na'oman sara taumata sussal᷊iomanna wuṛṛu ma'uare. Ahewallu soa naal᷊ihidda mezbah apan nappeta'u daṛṛa.

YESAYA 30:32

Tantal᷊anna i mangitou mammendamma manga papuulle, umattu Mawu lulluassa ringannu musikku tambore wuṛṛu kecapi. Ruata sassane sarun mamangalo mando'appa Asyur.

YESAYA 32:12

Luaite manga wawail᷊annu apan masuwukka wuṛṛu manga waillu anggori maiu apan mabbua nabbelle'a,

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

YESAYA 34:10

Allo ṛabbi ṛenggamma udde tawe mappaddumma, wuṛṛu timbulla sussal᷊oi wuassi tou saran mal᷊annu-l᷊annu. Leta'a udde sarun itantangnga tawe loṛṛone wuṛṛu maṛṛasa sara maṛṛana'a mappulunna, wuṛṛu tawe saran sangkatou sarun umamatta isudde.

YESAYA 34:2

Mawu massa'u su anambon walahanna wuṛṛu al᷊awo'u tantaran mangitou. I Tou sarun makkuumanna wuṛṛu makkadda'a si mangitou.

YESAYA 42:15

Wowone wuṛṛu wuidda sarun Ta'u olaanna lol᷊okka, anambon sasuanne Ta'u iapatolangnga. Manga wawal᷊annu sal᷊ukka Ta'u wal᷊uanna mabbal᷊i wadda'u anne, anambon dano Ta'u olaanna mamara.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEREMIA 40:15

Ana see ringannu mal᷊anna-l᷊annaba i Yohanan nabbisarate si Gedalya, “Mappianne i ya'u inaite mamate si Ismael; tawe saran sangkatou apan maasingkatta isai namate. Anio i tou ṛinone iwala mamate si'o? Udde pangillul᷊eanne anambon taumatan Yehuda apan uaammulle isindi ringannu, massal᷊iawukke apia, wuṛṛu olangnge udde sarun maaṛṛimunsa'a anambon tumana'u wanua apan ta'e nallambe su Yehuda.”

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 51:34

Yerusalem niuno wuṛṛu nianna na'oman sara nasue ṛatangannu ratun Babel; i tou nanahangginna lal᷊oṛṛon soa udde ere taumata namoson botolla. Naal᷊ihidda sambau winatangnga wahewalla, i tou nangalluppa Yerusalem wuṛṛu nalloṛṛo tianne ringannu al᷊awo'a apan mapia wuassu soa udde, see lambene niramme.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

YEHEZKIEL 12:20

Manga soa apan orassa indi napenen tumanangnge sarun ṛimunsaanna wuṛṛu manga wawail᷊anna sarun mabbal᷊i wadda. Ne i mangitou maasingkatte manungku ete i Ya'u Mawu.”

YEHEZKIEL 24:11

Orassa indi addoa'e urinna witu'a apan tawe loṛṛone udde su putungnga wuṛṛu wala'e ma'oman sara maṛṛamutta. Napawe taine natutungke, urinna udde sarun mawaresi apia tumuṛṛuttu atorannu agama.

YEHEZKIEL 35:14

I Ya'u Mawu Apan Atanggaṛṛanne nabbisara: Ahewallu runia sarun mal᷊uassa sutempo ahewallu wanuanu Ta'u olaanna wadda'a apan mal᷊annabba,

YEHEZKIEL 5:14

I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.

YEHEZKIEL 5:2

Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

YEHEZKIEL 6:14

Ore, i Ya'u sarun mamaten lima-U wuṛṛu makkimunsa'a wanua mangitou, ma'oman sara maola'a mal᷊annaba, manattakka wuassu Wadda'u Timukka maddatingngu soa Ribla su sawannakka. Wuassu manga tampa apan wawanuannu taumatan Israel, taweddu saran sambau apan iapaasal᷊amatta. Ne anambon taumata masingkatte manungku ete i Ya'u Mawu.”

YEHEZKIEL 6:6

Anambon soa su Israel sarun ihohakka, al᷊awo'u mezbahne wuṛṛu paal᷊uanne ṛimunsaanna iapasal᷊iawukka, manga panambunannu amaniane pasi tal᷊eṛṛonga, wuṛṛu al᷊awo'a apan a'olaanni mangitou sarun mawul᷊i.

YEHEZKIEL 7:12

Tempone mal᷊ihakke rumanta, allone maranite! Mamamalli wuṛṛu mabbawal᷊u'a tawe naasomba auntunganne apa-apa, ana waugu ṛuumannu Ruata maṛṛia su anambon taumata.

YEHEZKIEL 7:14

Trompetta nanuntingikka wuṛṛu anambon taumata uariahite. Arawe tawe saran sangkatou inai su tampan papangaloanna, ana waugu asasa'un Duata naṛṛia su anambon taumata.

NAHUM 1:5

Manga wowone mangngiladda su saruan-Ne; wuṛṛu wuidda lai nabbal᷊i niumolokka abbi. Napawe Mawu rumanta, runia mangngiladda, runia wuṛṛu anambon tumanangnge mangngindo.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

WATTI'U MANGA RASUL 17:6

Arawe su tempo i mangitou tawe naasomba si Paulus wuṛṛu si Silas, i mangitou namol᷊engnga si Yason wuṛṛu manga pira taumata mangngimanna waine, sinumaruanna manga tembonanne apan uaparenta su soa udde. I mangitou u'ui, “Manga taumata indi mangngal᷊iba'ukka su al᷊awo'u tampa! Orassa indi soang kite lai nirantanni mangitou,

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 32:26

I Ya'u maapulu manginsue si mangitou tawe lambene, tadea'u i mangitou tate lai naunganna.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.