YESAYA 23:9 - WUKE SUSI WATTI'U AL᷊AL᷊USASSA

⁹ Mawu Apan Lembontaṛṛino, ete i Tou apan makkawessa wuṛṛu manguddussu awawungan tumanangnge su anambon hessi manara apan buatte niola'i mangitou, wuṛṛu namawo manga taumata apan aaddatanna su runia.

YESAYA 23:9 Iomraidhean Croise

AYUB 12:21

Nipansilian-Ne taumata apan aaddatanna; niul᷊ean-Ne taṛṛinon mangitou apan uaparenta.

DARALO 107:40

Mawu namawon manga tembonanni mangitou, wuṛṛu nandolokki mangitou mammal᷊intaddu wadda'a apan tawe dal᷊anne.

SASABANGNGA 8:4

Manga aakka udde sarun sumulo'a wuṛṛu umawitta si'o, anambon mammamanaran aratuannu wuṛṛu tumana'u araratuanna.’ ”

YESAYA 10:33

Mawu Apan Lembontaṛṛino sarun mapaaṛṛaa mangitou naal᷊ihidda rannu nitonto wuassu alune. Apan aṛṛamahanne wuṛṛu atanggaṛṛanne suwallatti mangitou sarun pototanna wuṛṛu iṛṛa'a.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

YESAYA 14:24

Mawu Apan Lembontaṛṛino nassalu: “Apan buatte Ta'u nihol᷊aga sarun matipussa.

YESAYA 14:26

Eteindi ṛiing-Ku su runia; pulal᷊ang-Ku naṛṛatadde ipakkuumannu manga walahanna.”

YESAYA 14:27

Mawu Apan Lembontaṛṛino buatte nakkawessa ma'ola'a ereudde, i tou nani'akke pulal᷊an-Ne ipakkuumanna, wuṛṛu taweddu sarang sangkatou wotongnge maasingaddi Tou.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

YESAYA 2:17

Taumata mawunga sarun iapawawo, wuṛṛu taumata matanggakka iapasuṛṛubbawa. Tumba'u Mawu sassane apan wantuhanna.

YESAYA 23:10

Inaite pammanara wawail᷊annu, ei tumana'u Spanyol, ana waugu ṛangkattu apalla tate lai.

YESAYA 32:13

ana waugu leta'u pabbawala'u nituwoannu ahuranganna wuṛṛu aputta ṛoaanna. Ore, luaite manga wal᷊enu tampa manga taumata mallal᷊umanna'a wuṛṛu soa apan napenen damea!

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

YEREMIA 13:9

“Etearoddi olangnge i Ya'u sarun ma'ola'a taumatan Yehuda wuṛṛu tumana'u Yerusalem. I Ya'u sarun makkimunsa'a awawunga mangitou apan nilumambalanna udde.

YEREMIA 51:62

Wua'udde aal᷊iomante arendi, ‘Mawu, I'o buatte nabbisara manungku soa indi sarun ṛimunsaan-Nu na'oman sara mawae taumata aroddi lai winatangnga mahangginna, wuṛṛu tampa indi mabbal᷊i ere wadda'u anne sarangkal᷊o'enge.’

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

OBAJA 1:2

Wuṛṛu su Edom, Mawu nabbisara, “I'o Ta'u olaanna lome, ma'oman sara lallobbosannu anambon balahanna.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

WATTI'U MANGA RASUL 4:28

I mangitou naaukka ma'ola'a al᷊awo'u manara, apan suete tinantunna ro'en paarorone manungku udde sarun matippussa. Wuṛṛu I'o sarun manantunnu udde wuassu taṛṛino wuṛṛu apulu-Nu sassane.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”