YESAYA 22:5 - WUKE SUSI WATTI'U AL᷊AL᷊USASSA

⁵ Atonna, Mawu Apan Lembonmatanggakka wuṛṛu Lembontaṛṛino buatte nanantunnu allo indi maola'a allon patatiakka, atata'utta wuṛṛu pabbawawul᷊o su Wawal᷊annu Sondappa. Manga tanda'u watun soa buatte niṛṛa'a. Aintul᷊i ma'iontolla nunnalunna su manga wuidda.

YESAYA 22:5 Iomraidhean Croise

LUKAS 23:30

Su tempo udde taumata sarun mabbisara su manga wowone, ‘Umpisanete i yami!’ Wuṛṛu su manga wuidda, ‘Soopete i yami!’

MIKHA 7:4

Apan apianne wuṛṛu atul᷊iranne wuassi mangitou lai naal᷊ihidda aputta ṛoaanna apan tawe gunane. Nia'omante tempone Ruata makkuumannu uman-Ne ere buatte niapasingkan-Ne si mangitou wuassu manga nabi-Ne. Orassa indi nilumapputte aal᷊iba'ukka suwallatti mangitou.

LAL᷊ALLU 1:5

Manga seenne lullala'a ana waugu napamarenta si mangitou. Mawu na'ola'a i tou uatataṛṛangnga, ana waugu tumaniten manambo rosane. Tumanangnge buatte nitawanna, wuṛṛu niapidda su pamuanganna.

YESAYA 37:3

Eteindi tanatan Hizkia apan niwal᷊on mangitou si Yesaya, “Allo indi allon lullal᷊o; i ite niṛṛuumanna wuṛṛu nial᷊uandahanna. I ite naal᷊ihidda wawine apan mangunsiwete, arawe niasueannu ikkatta.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YESAYA 22:1

Eteindi tanata su ola'u Wawal᷊annu Sondappa ara'e tatimmata: Ei, tumana'u Yerusalem, anio i yamiu niumawitta su atuppu wal᷊en?

MATIUS 24:16

Su tempo udde taumata uatana'a su Yudea sarun tumal᷊angnga watukku panenteanna.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

ESTER 3:15

Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

2 MARARATU 25:10

Ana see anambon tantarane napaaṛṛa'an manga darandungu soa udde.

2 MARARATU 19:3

Eteindi tanatan Hizkia apan niapasingkati mangitou si Yesaya, “Allo indi allo lullal᷊o; i ite niṛṛuumanna wuṛṛu nilobbosa. I ite naal᷊ihidda wawine apan mangunsiwete arawe niasueannu ikkata.

YESAYA 63:3

“Sassane i Ya'u sutampa pamamakkannu anggore suwallattu uma-U taweddu nantul᷊ung-Ku. Manga walahanna mangke Ta'u niṛṛinda sulal᷊ummu asasa'u-U, naal᷊ihidda ere makkinda wuan anggore. Daṛṛa mangitou namiti'a naṛṛolo lau-U, naal᷊uhudda ahewallu lau-U.

YESAYA 63:6

Sulal᷊ummu asasa'u-U apan lukkenggamma, Ta'u niṛṛinda manga walahanna; Ta'u niṛṛadda'a i mangitou, wuṛṛu daṛṛa mangitou Ta'u niwoso su leta'a.”

YEHEZKIEL 7:7

Sarangkanambone nuddusse si yamiu, ei walahanna apan uatana'a su leta'a indi. Orassa indi tate lai manga andeangnga su manga mezbah su panenteanna, nallambe tumba'u pabbawawul᷊o.

ZEFANYA 1:15

Allo udde allon asasa'u, asasahadda wuṛṛu asasusa, allon ahahokka wuṛṛu araṛṛimunsa'a, allon ararandumma wuṛṛu mal᷊abbukka, allo apan marandumma wuṛṛu pia ṛawu'a.

LAL᷊ALLU 2:8

Mawu buatte nakkawessa manungku manga darandungngu Sion ṛinone iṛṛa'a. Manga darandungnga udde buatte niuuṛṛan-Ne, tadea'u sarangkanambone wotongnge iṛṛa'a-Ne. Manga darandungnga wuṛṛu manga candi, orassa indi nabbal᷊ite tuidda abbi.