YESAYA 22:2 - WUKE SUSI WATTI'U AL᷊AL᷊USASSA

² Tawe ṛinone ahewallu soa maandeangnga wuṛṛu u'uin al᷊al᷊uassa. Ana waugu manga taumatan pangalonu apan nate sulal᷊ummu pangalo indi wal᷊ine nate ana waugu napapangalo.

YESAYA 22:2 Iomraidhean Croise

YESAYA 10:4

Pal᷊addu pabbiaṛṛannu tumba'u pateanna sulal᷊ummu pangalo ara'e ehetanna maola'a taumata niatawanna. Arawe Mawu ta'e sidutu massa'u wuṛṛu ta'e makkuumanna.

YESAYA 23:7

Pa'ellege soanu Tirus apan piate ro'en tempo dorone. Eteindi soa apan inanaramanna mallal᷊umanna'a? Eteindi soa apan mandolokku manga taumatane su samba'an tahal᷊oangnga iapaatana'a poiaroddi?

YESAYA 32:13

ana waugu leta'u pabbawala'u nituwoannu ahuranganna wuṛṛu aputta ṛoaanna. Ore, luaite manga wal᷊enu tampa manga taumata mallal᷊umanna'a wuṛṛu soa apan napenen damea!

YESAYA 32:14

Ewe'e lai wal᷊en araratuanna sarun itantangnga wuṛṛu inangngu soa apan rame mabbal᷊i mal᷊annaba. Wuidda wuṛṛu manga menara panddariaganna buatte niratakka ringannu leta'a saran mal᷊annu-l᷊annu. Manga keledai matengnga wuṛṛu domba sarun mannal᷊angnga wuṛṛu umanna nannal᷊o isudde.

YESAYA 37:33

Eteindi apan niwisara Mawu su ola'u ratun Asyur: ‘i Tou sarun tawe maasutta su Yerusalem ara'e mamiti'u anaanne watukku soa udde. Manga tantara apan pia allungnge taweddu mangundanin soa udde, wuṛṛu uapal᷊iwutta sarun tawe olaanna tampa pamangaloanna.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

YEREMIA 52:6

Su allo assione wul᷊anna aiappanne tonna udde lai, sutempo al᷊aṛṛutumma tumaniten masaddatta na'oman sara tumanangnge tate lai anna saran addio'a,

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

LAL᷊ALLU 2:20

Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.

YEHEZKIEL 22:5

I'o a'al᷊uandahannu manga wanua apan marau wuṛṛu marani ana waugu i'o sidutu lullawangnga tita wuṛṛu atoranna.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.