YESAYA 21:2 - WUKE SUSI WATTI'U AL᷊AL᷊USASSA

² I ya'u naasomba sondappa su ola'u manga arariadianna apan ma'ata'utta; su ola'u pandal᷊al᷊eo wuṛṛu pamamate. Inaite, tantaran Elam, pangaloite! Ei tantaran Madai, liwunete! Ruata sarun manguddussu anambon asasusa apan nirumanta waugu Babel.

YESAYA 21:2 Iomraidhean Croise

PANDARIADDI 10:22

Al᷊aṛṛana'i Sem eteudde i Elam, i Asyur, i Arpakhsad, i Lud wuṛṛu i Aram.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

DARALO 119:158

I ya'u maddantinna maasilo manga taumata lal᷊eo udde, ana waugu i mangitou tawe maddaringikka al᷊aṛang-Ngu.

DARALO 12:5

apan mabbisara, “I yamiu uataṛino ringannu lilan kami! Walate i yami mabbisara, wuṛṛu tawedu wotongnge manal᷊are!”

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

DARALO 60:3

I'o nanol᷊a'i yami, oh Ruata, wuṛṛu namalan kami niawaddo.

DARALO 79:11

Daringiṛṛewe sasal᷊iomannu taumata tataṛṛanganna; antimanna manga taumata apan buatte tinantunna mate iwala wiakka ana waugu taṛṛino-Nu.

AMSAL 13:15

Taumata pia buddine sarun raloanna; taumata apan tawe apangimananna sarun mabbiakka susa.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 14:4

Napawe Mawu ma'ola'a udde, i mangitou sarun mangal᷊uandaga ratun Babel arendi, “Ratu maṛṛagissa nanawote! I tou tate mapangallangnga apia.

YESAYA 14:7

Panginsueanne ahewallu runia sarun ma'amanna wuṛṛu mal᷊annabba, ne suapan taumata mangngantarin al᷊al᷊uassa.

YESAYA 22:6

Taumatan Siria nirumanta ringannu awal᷊o wuṛṛu keretan pangalo, taumatan Elam ahidde al᷊atianna wuṛṛu anaanna, taumatan Kir nanaddia allungnge.

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEREMIA 45:3

i'o sussal᷊iomanna arendi, ‘Ah, soewe eteapa i ya'u indi! Asasusa'u tumanite manambo, wuṛṛu Mawu nanamba apia ringannu asasansara. I ya'u nal᷊otakke sussal᷊iomanna, tawe atatamudda sarang kadio'a!’

YEREMIA 49:34

Tawe nal᷊annu napawe i Zedekia naola'a ratun Yehuda, Mawu Apan Lembontaṛṛino nabbisara si ya'u su ola'u wanua Elam.

YEREMIA 49:35

Mawu nabbisara, “I Ya'u sarun mamate anambon mapapande mammiti'a apan naaola'a Elam lembon matohassa.

YEREMIA 50:14

Ei i yamiu manga taṛṛa piti'a! Atoṛṛa'e barisannu palliwunna wuṛṛu pamangalo Babel. Pitia'e anambon anaannu watukku Babel, ana waugu i tou buatte na'ola'a rosa si Ya'u.

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

YEREMIA 51:53

Salaiwe Babel ma'asaa langitta wuṛṛu ma'ola'a tanda'a apan tawe a'omanna, i Ya'u sidutu sarun mandolokku taumata inai manggohakka. I Ya'u, Mawu, buatte nabbisara.”

LAL᷊ALLU 1:22

Ellehete anambon al᷊al᷊eon mangitou udde, wuṛṛu ola'e i mangitou ere lai I'o na'ola'a si ya'u, ana waugu anambon rosa apan ta'u niola'a su saruan-Nu. I ya'u sussal᷊iomanna sulal᷊ummu radda'a, naungku massusa wuṛṛu maddunde.”

DANIEL 5:28

nitahia, araratuanni Tuangku tahianna wuṛṛu ionggolla su taumatan Media wuṛṛu Persia.”

DANIEL 5:9

Ratu Belsyazar lembon sussinggawangnga wuṛṛu namillossa lai; see lai manga tembonanne lembon nabbingote.

DANIEL 8:2

Sulal᷊ummu sondappa udde inauranna i ya'u poite su propinsi Elam, su Susan, inangu soa Persia. I ya'u uarisikka maranin Sal᷊ukku Ulai,

DANIEL 8:20

Domba esakka apan aellehannu udde, apan pia tandungnge darua, mabal᷊o araratuannu Media wuṛṛu Persia.

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

1 SAMUEL 24:13

Antimanna ete Mawu apan makkawessa isai suwallatti addua apan nassal᷊a! Ete Mawu antimanna apan mabbal᷊issa inolanni Tuangnga su saruannu allangngu, arawe saran kadio'a allangngu tawe nanaddu'a naungngi Tuangnga.