YESAYA 21:10 - WUKE SUSI WATTI'U AL᷊AL᷊USASSA

¹⁰ Pabbawala'u Israel! I'o buatte niṛṛamissa wuṛṛu niṛṛinda ere watun gandumma. Orassa indi ta'u iapasingkatta si'o watti'a mapia apan ta'u naringiṛṛanna wuassu Mawu Apan Lembontaṛṛino, Ruatan Israel.

YESAYA 21:10 Iomraidhean Croise

1 MARARATU 22:14

Arawe i Mikha sinumimbakka, “Ringannu arannu Mawu apan biakka, i ya'u tumba'u mamasingkatta apa apan niwal᷊on Mawu si ya'u!”

2 MARARATU 13:7

Wuntuannu pangalon Israel buatte niṛṛamunsa'u ratun Siria na'oman sara i Ratu Yoahas tumba'u pia 50 tantaran awal᷊o, 10 keretan pangalo, wuṛṛu 10.000 su atoune tantara.

YESAYA 28:28

Sutempo makkinda gandumma, i tou tawe uata'a mammuulla sara maṛṛimunsa'a. Tawe! I tou masingkattu dal᷊anne makkinda suṛṛinone ringannu uasa'e roda su wowone ringannu tawe makkimunsa'a manga watun gandumma udde.

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

YEREMIA 51:33

Tate mal᷊annu lai i mangitou iawaddo wuṛṛu mangke ṛindannu seetta ere gandumma su tampa pallaṛṛindanna. I Ya'u, Mawu Apan Lembontaṛṛino, Ruatan Israel, buatte nabbisara.”

YEHEZKIEL 40:4

Esakka udde nabbisara si ya'u, “Ei taumata apan mattate, paddaringikke paapia-pia wuṛṛu panutukke al᷊awo'u inolaanna apan ta'u iapasilo si'o, ana waugu eteudde i'o niapidda inawarendi. Pasingkata'e su walahannu Israel sarangkanambone apan ellehannu.”

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

HABAKUK 3:12

Ringannu mammasaga I'o mammal᷊intadu runia; manga walahanna ringannu niṛṛinda-Nu ana waugu al᷊al᷊oson naungnga.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”