YESAYA 21:1 - WUKE SUSI WATTI'U AL᷊AL᷊USASSA

¹ Eteindi tanata su ola'u Babel: Naal᷊ihidda anginna al᷊isusu sussal᷊induṛṛunga sussabbi wadda'u anne, etearoddi darantane silaka wuassu wanua apan ma'ata'utta.

YESAYA 21:1 Iomraidhean Croise

AYUB 37:9

Wuassu timukka tinumiuppa anginna ma'ikkatta wuṛṛu wuassu sawannakka anginna masunge nangooppa.

YESAYA 13:1

Eteindi tanatan Duata, apan nisengkammi Yesaya ana'i Amos su ola'u Babel:

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YESAYA 14:14

I'o mabbisara, manungku i'o sarun umawitta roso ere atanggakku winabbawa wuṛṛu maola'a ere Apan Lembon Atanggaṛṛanne.

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

YESAYA 17:1

Mawu nabbisara, “Damsyik tate lai maola'a soa, arawe tumba'u aombuannu manga tuiddu wal᷊en nangkaṛṛa'a.

YESAYA 47:1

Mawu nabbisara, “Ei, Babel, lintukke wuassu adderan araratuannu, wuṛṛu a'iante su awu. I'o tate mamunga wuṛṛu maṛṛamaga ere dorone.

YESAYA 5:28

Anaanne maṛṛoro wuṛṛu al᷊ati'anne nasaddiate mamiti'a. Anu'un awal᷊one aatikke ere watu putungnga, wuṛṛu bolan keretane tuttal᷊inggi ere anginna al᷊isusu.

YEREMIA 51:1

Mawu nabbisara, “I Ya'u sarun mandolokku anginna daromba apan tumiuppa watukku Babel wuṛṛu ringannu tumanange.

YEREMIA 51:42

Ua'en tahal᷊oangnga tinumompe'a su Babel; manga luangnge nirumapa naṛṛammon banua udde.

YEREMIA 51:51

I yamiu mabbisara, ‘I yami haggeloanna wuṛṛu pappansilianna; i yamiu nasili ana waugu manga taumata raho ua'ianna su manga wabbo'a susi sulal᷊ummu Wal᷊en Mawu.’

YEHEZKIEL 1:4

I ya'u naningngara wuṛṛu ma'ellega anginna tuttiuppa wuassu sawannakka. Sawallo ma'ilatta wuassu sambau winabbawa apan tumaniten bahewalla, wuṛṛu langitta isudde mangke masema-semakka. Sulal᷊ummu sawallo apan ma'ilatta udde niasiloanna pia sambau apan lullendappa ere witu'a.

YEHEZKIEL 30:11

I Nebukadnezar suadio'a ringannu tantarane apan tawe ampungne sarun dumanta wuṛṛu makkimunsa'a leta'a udde. I mangitou sarun mamangalo Mesir ringannu hal᷊ele, wuṛṛu manga winal᷊unanna sarun uatal᷊eṛṛonga su wanua udde.

YEHEZKIEL 31:12

Tantaran araratuanna waine apan tawe ampungnge sarun manuwangnga si tou ana see iwalane. Angkanaene apan napaddite mannawote su anambon bowone wuṛṛu wawal᷊annu wanua udde. Anambon balahanna apan uatanaa'a su al᷊ungnge sarun massal᷊iu manantangngi tou.

YEHEZKIEL 38:9

I tou wuṛṛu tantarane see manambo walahanna apan uatantalongnga si tou rumanta mamangalo ere tandi'a wuṛṛu nanaappa wanua udde ere winabbawa.”

DANIEL 11:40

Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.

ZAKARIA 9:14

Mawu sarun maipasilon batangan-Ne su uman-Ne, naal᷊ihidda sawallo manga anaan-Ne nipiti'a. Mawu Apan Atanggaṛṛanne sarun maniuppa trompetta tatiala mamangalote see inaite umamatta sulal᷊ummu tandi'a wuassu timukka.