YESAYA 20:2 - WUKE SUSI WATTI'U AL᷊AL᷊USASSA

² Tatallu su tonnane wua'udde, Mawu nandolokki Yesaya ana'i Amos nalluatta sapatune wuṛṛu nasa karongnga apan nilluṛṛene. I tou tinumuṛṛutta wuṛṛu niumamatta tantol᷊e wuṛṛu tawe sapatune.

YESAYA 20:2 Iomraidhean Croise

2 SAMUEL 15:30

Wua'udde i Daud nalluatta sapatune. I tou suadio'a ringannu mallal᷊aṛenggenne sinumaate Wuiddu Zaitun lapiddu lulluai ringannu pua paporonganna tatialan massusa.

2 SAMUEL 6:20

Sutempo i Daud napul᷊ete su wal᷊en araratuanne mangonggollu tabea su lal᷊oṛṛon bal᷊ene, i Mikhal sinumabbangnga naisasomban Daud wuṛṛu nabbisara, “Allo indi ratun Israel atonna-tonna na'ola'a watanganne a'addatanna! I tou buatte tinumantol᷊e naal᷊ihidda taumata longonna apan wagga masili su saruannu manga allangnga wawine tatahuanannu manga mamanaran araratuanna!”

2 MARARATU 1:8

“I tou ualuṛṛen Juba wuṛṛu aiittu lawanne niola'a wuassu pisin binatangnga,” sasimbakki mangitou. “O, udde i Elia!” sasimbakku ratu.

DARALO 30:11

Daringiṛṛewe, oh Mawu, wuṛṛu akkanaawe i ya'u. Mawu ontol᷊ewe i ya'u!”

SASABANGNGA 3:5

Ruata nabbisara, “Imbaṛṛangnga mangundani. Luatte silopenu, ana waugu i'o uarisikka su leta'a susi.

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

YESAYA 13:1

Eteindi tanatan Duata, apan nisengkammi Yesaya ana'i Amos su ola'u Babel:

YESAYA 37:2

Wua'udde i tou nandolokki Elyakim tembonannu wal᷊en araratuanna, i Sebna mamamoṛṛettu araratuana wuṛṛu manga imam apan pia pangkanne inai maisasomba Nabi Yesaya, ana'i Amos. I mangitou lai nalluṛṛen karongnga.

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YEHEZKIEL 24:17

Arie ma'oman sara lal᷊uainu aringiṛṛanna. Arie umamatta tawe tatindungu pua, arie tawe apampakku ledda, ere taumata apan lullal᷊o. Arie lai hatinu taapanna, wuṛṛu arie umanna rotin lal᷊al᷊o.”

YEHEZKIEL 24:23

I yamiu sarun tawe umamatta ringannu tawe tatindungu pua ara'e apampakku ledda, tawe lumallu ara'e lumuai. I yamiu sarun lembon maṛṛasa ana waugu manga rosanu; i yamiu sarun sumal᷊iomanna sangkatou ringannu waine.

YEHEZKIEL 4:1

Ruata nabbisara, “Ei taumata apan mattate, panganute sambau tela, addoa'e su saruannu wuṛṛu akkitte rosone hambarannu soan Yerusalem.

MIKHA 1:11

I yamiu tumana'u Safir, roote watukku pamamuanganna ringannu tawe laubba wuṛṛu ringannu apendamma massili! Manga taumatan Zaanan tawe waṛṛini sumabbangnga wuassu soan mangitou. Aintul᷊in tumana'u Bet-Haezel mapal᷊iatta'a si'o manungku poiaroddi taweddu pattallindumanna lai.

MIKHA 1:8

Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

ZAKARIA 13:4

Su allo udde, manga nabi sarun maapendamma asasili ma'ola'a manaran sangkatou nabi. I mangitou tate malluṛṛen laubbu nabi ipamahia wuṛṛu ipamarabungan manga sondamme.

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 3:4

I Yohanes ual᷊uṛṛen laubba wuassu wambul᷊un unta. Papeṛṛenne wuassu pisim binatangnga wuṛṛu anni tou saṛṛapalanna wuṛṛu pul᷊an ahuranganna.

YOHANES 21:7

Mallal᷊aṛṛenggenna apan arangnguannu Mawu Yesus, nabbisara si Petrus, “Udde Mawu!” Napawe i Simon Petrus naaringikka manungku udde Mawu, i tou nalluṛṛen laubba (ana waugu i tou uatantol᷊e) see inumurumma sulal᷊ummu ua'e.

WATTI'U MANGA RASUL 19:16

See taumata apan niasuttannu setanna udde sinumolo'a wuṛṛu tinumambo si mangitou ringannu maṛṛagissa, na'oman sara i mangitou tinumal᷊angnga wuassu wal᷊e udde nal᷊al᷊essa wuṛṛu natantol᷊e, ana waugu laubbi mangitou nihesa'a wuassu wadangngi mangitou.

WATTI'U MANGA RASUL 21:11

I tou nirumanta ringanni yami ana see nanganu papeṛṛetti Paulus. Ringannu papeṛṛetta udde i tou nama'issa ledda wuṛṛu limane sassane ana see nabbisara, “Ete indi apan niapaasingkattu Ghaṛṛahon Ruata: Tatahuannu papeṛṛetta indi sarun ṛapusannu manga taumatan Yahudi ereindi su Yerusalem, wuṛṛu itantilla su manga taumata wal᷊ine Yahudi.”

YOSUA 5:15

Tembonannu tantaran Mawu udde sinumimbakka, “Luatta sapatunu; leta'a tampa dararisiṛṛannu udde leta'a na'ukkasa.” Ne i Yosua nalluatte sapatune.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

1 SAMUEL 19:24

Napawe na'omate poiaroddi, i tou nalluatta laungnge wuṛṛu nassal᷊aingnga lapiddu mangngintul᷊i su saruanni Samuel, ana see nawantingnga su leta'a ringannu uatantol᷊e su al᷊o'engngu allo wuṛṛu ṛabbi. (Eteindi panattaṛṛannu sasanato'a apan tingikke, “Apa i Saul naola'e lai nabi?”)