YESAYA 19:3 - WUKE SUSI WATTI'U AL᷊AL᷊USASSA

³ I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

YESAYA 19:3 Iomraidhean Croise

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 MARARATU 1:2

Su allo sambau i Ratu Ahazia wuassu Israel nanawo wuassu panumbal᷊e al᷊iurosone wuassu wal᷊en araratuanna su Samaria, na'oman sara i tou nal᷊essa wahewalla. Ne i tou nandolokku taumata iapaiwal᷊o si Baal-Zebub, mongannu soan Ekron su Filistin, tanne i tou mapia wuassu radda'a ara'e tawe.

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

DARALO 107:27

I mangitou tinangngone wuṛṛu maṛṛaate ere taumata wu'anna wuṛṛu niawul᷊iannu ṛingidda.

DARALO 33:10

Mawu nanal᷊are hol᷊agu manga walahanna, i Tou napaawul᷊i apulun mangitou.

DARALO 76:12

Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

YESAYA 14:27

Mawu Apan Lembontaṛṛino buatte nakkawessa ma'ola'a ereudde, i tou nani'akke pulal᷊an-Ne ipakkuumanna, wuṛṛu taweddu sarang sangkatou wotongnge maasingaddi Tou.

YESAYA 15:2

Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

YESAYA 47:12

Panidutute al᷊awo'u daroanu wuṛṛu wali'imatanu, apan mamma katta si'o ro'en i'o ta'e addio'a. Isai masingkatta udde pia gunane si'o, tadea'u ipamata'utta manga seennu.

YESAYA 57:16

Tawe sarangkal᷊o'enge i Ya'u mapasal᷊an uma-U; tawe saran mal᷊annu-l᷊annu i Ya'u massa'u, tadea'u i mangitou tawe mapaddi apulu naungnge, sumbal᷊i ete i Ya'u apan mabbiakka si mangitou.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

YEREMIA 46:15

Anio i Apis, mongannu apan matohassa udde tinumal᷊angkem batanganne? Ana waugu Mawu buatte namaddon tou!’

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

YEHEZKIEL 22:14

Ta'e waṛṛaniwe ara'e ta'e matohassawe i'o mamatten limanu napawe i Ya'u nuddusse makkuumannu? I Ya'u, Mawu Apan Atanggaṛṛanne buatte nabbisara wuṛṛu i Ya'u sarun mapaamattu apa apan buatte Ta'u niwisara.

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

DANIEL 2:2

Ana waugu udde aroddi i tou namaggo taṛṛa si'atta, taṛṛa ropa, taṛṛa pasangkadda wuṛṛu manga taumata pia asingkanne, tadea'u iapatal᷊a'an wal᷊iawane udde.

DANIEL 5:7

Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”

1 SAMUEL 25:37

Marua allone, napawe i Nabal tate wu'anna, awingnge namasingkatta si tou su ola'u al᷊awo'u al᷊al᷊eo udde. Ana see i Nabal nirantannu radda'u pappuso wuṛṛu ahewallu wadangnge nallome.