YESAYA 19:2 - WUKE SUSI WATTI'U AL᷊AL᷊USASSA

² Mawu nabbisara, “i Ya'u sarun mamonsen ara'e mangangkatta pangalon sangka tuṛṛanganna su Mesir: Tuṛṛangnga mando'appa tuṛṛangnga, al᷊indonganna mando'appa al᷊indonganna, soa mando'appa soa wuṛṛu araratuanna mando'appa araratuanna.

YESAYA 19:2 Iomraidhean Croise

1 MARARATU 16:21

Nariaddite pattatiakka sulal᷊ummu walahannu Israel ana waugu piaddu mappulu tadea'u i Tibni ana'i Ginat maola'a ratu, arawe piaddu lai mappandumma si Omri maola'a ratu.

2 TAWARIKH 15:6

Walahanna sambau mammangalo walahanna waine, wuṛṛu soa sambau mammangalo soa waine, ana waugu Ruata nandantan al᷊iba'ukka apan wahewa si mangitou.

YESAYA 3:5

Manga taumata sarun mapapangallangnga. Dario'a tate maddaringikka timmadde wuṛṛu taumata wiasa tate mandeengngu taumata pia pangkanne.

YEREMIA 46:12

Olangngu apan ma'asili niasingkatante manga walahanna. Tingikku aintul᷊inu niaringiṛṛante su ahewallu runia. Tantara sangkatou natara singana'a waine; i mangitou nal᷊iundu'a su sambau su leta'a.

YEREMIA 51:46

Ariete mata'utta ara'e suminggawanga ana waugu watti'a apan aaringiṛṛanni yamiu. Suapan tonna massal᷊iawukka watti'a apan uapapaṛṛala – watti'a su ola'u araṛṛagissa sulal᷊ummu wanua wuṛṛu su ola'u manga ratu apan uapapangalo sangkatou ringannu waine.

YEHEZKIEL 38:21

Ana see i Gog Ta'u enggenanna rinangnu al᷊awo'u asasilaka. I Ya'u, Mawu Apan Atanggaṛṛanne buatte nabbisara. Tantarane sarun mapapangalo ringannu hal᷊ele mangitou.

ZAKARIA 8:10

Tantal᷊anna taambe tempo udde taweddu wotongnge maasewa ikkattu taumata ara'e winatangnga, wuṛṛu taweddu apan maapendamma matammudda wuassu seetta. I ya'u buatte napawawul᷊on sangkatou ringannu waine.

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

MATIUS 10:36

Ore, apa apan sarun maola'a seetta ahewal᷊anne, eteudde lal᷊oṛṛon bal᷊e udde sassane.

MATIUS 12:25

Mawu Yesus naasingkatta ṛingiṛṛannu manga taumatan Farisi udde. Ne i Tou nabbisarate si mangitou, “Amungkangngu sambau araratuanna nattal᷊ei naola'a pirang kawageanganna apan sarun pasi passeetta, araratuanna udde tawe mal᷊annu. Wuṛṛu sambau wanua ara'e lal᷊oṛṛon bal᷊e sambau apan uataae wuṛṛu uasaseetta sangkatou ringannu sangkatou, sarun mawinasa.

MATIUS 24:7

Walahanna sambau sarun mamangalo lumawangnga walahanna waine, wuṛṛu araratuanna sambau sarun mamangalo araratuanna waine. Su al᷊awo'u tampa sarun mariaddi al᷊al᷊unussa wuṛṛu linukka.

MARKUS 3:24

“Amungkangngu sambau araratuanna mapesangnga sulal᷊ummu pirang kawageanganna apan uasaseetta, araratuanna udde tawe maataṛṛangnga mal᷊annu.

MAL᷊AṚṚUUNGNGA 7:22

Su tempo i Gideon wuṛṛu manga taumatane tantal᷊anna mattiuppa trompeta, na'ola'a manga tantaran seetta uapapangalo rundussa i mangitou, i mangitou uapapilitte sangkatou ringannu waine. I mangitou tinumal᷊angnga watukku Zerera araune maddatingngu Bet-Sita wuṛṛu soa Abel-Mehola maranin Tabat.

MAL᷊AṚṚUUNGNGA 9:23

Ana see Mawu nandantan pasaseetta suwallati Abimelekh wuṛṛu manga taumatan Sikhem, na'oman sara i mangitou nilumawangnga si tou.

1 SAMUEL 14:16

Tantal᷊anna udde tantaran Saul apan uataṛṛapa su Gibea su wageangngu leta'i Benyamin, naasilo taumatan Filistin walate atal᷊angnge wuṛṛu nial᷊iwunete.

1 SAMUEL 14:20

Ana see i Saul wuṛṛu manga taumatane su sambau inaite watukku tampan papangaloanna. Isudde i mangitou naasilo pia al᷊iba'ukka su taumatan Filistin; i mangitou uapapangalo wuṛṛu uapapate.