YESAYA 19:11 - WUKE SUSI WATTI'U AL᷊AL᷊USASSA

¹¹ Woddo atonna manga piaṛṛa'u soa Zoan! Taumatan Mesir apan apandeanne mangonggollu al᷊aṛṛa'a apan longonna! Waṛṛani atonna i mangitou mammasingkatta ratu manungku i mangitou pallaṛṛite manga taumata pande wuṛṛu mararatu sutempo ṛoro!

YESAYA 19:11 Iomraidhean Croise

1 MARARATU 4:30

Su manga wanua ra'i wuṛṛu su Mesir tawe taumata apan apandene ere i tou.

1 MARARATU 5:10

Ne i Hiram nangonggolla si Salomo anambon alu cemaran Libanon wuṛṛu alu cemara wiasa apan pappandumanna.

AYUB 12:17

I Tou nangul᷊e asingkatta su manga tembonannu runia, wuṛṛu manga piaṛṛa'a niolang-Nge ipappapal᷊age.

DARALO 33:10

Mawu nanal᷊are hol᷊agu manga walahanna, i Tou napaawul᷊i apulun mangitou.

DARALO 73:22

i ya'u longonna tawe maasunna, i ya'u naal᷊ihidda winatangnga su saruan-Nu.

DARALO 78:12

Su saruannu al᷊amonan mangitou, Ruata na'ola'a al᷊aṛṛindu'a su wanua Mesir, su leta'u Zoan.

DARALO 78:43

sutempo i Tou na'ola'a manga al᷊aṛṛindu'a su Mesir, wuṛṛu inolaanna maatiangnga su wadda'u Zoan.

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

SASABANGNGA 8:14

Taumata Mesir nangammulu a'akka nate udde na'oman sara ua'ombo, wuṛṛu sara ahewallu wanua mawukku'a.

SASABANGNGA 8:4

Manga aakka udde sarun sumulo'a wuṛṛu umawitta si'o, anambon mammamanaran aratuannu wuṛṛu tumana'u araratuanna.’ ”

AMSAL 30:2

I ya'u woddo ere winatangnga; tawe uatahuanna pasasunna.

YESAYA 19:13

Manga piaṛṛa'u Zoan wuṛṛu Memfis uddewe manga taumata longonna. I mangitou wal᷊inewe piaṛṛangnge, ewe'e mangngal᷊iwun pabbawalage.

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

YESAYA 30:4

Salaiwe manga daroloṛṛannu Yehuda na'omate su manga soan Zoan wuṛṛu Hanes su Mesir,

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

YEREMIA 10:14

Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YEREMIA 10:21

I ya'u sinumimbakka, “Woddo manga piaṛṛa'i ite udde. I mangitou tawe maddorongnga tatantiro wuassu Mawu, ana waugu udde i mangitou naauntungnga wuṛṛu i ite nassal᷊iawu su anambon tampa.

YEREMIA 46:17

Onggol᷊eten aranna wakku su ratu Mesir; ‘Itaṛṛa hahio apan namalan tempo mapia.’

YEREMIA 49:7

Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

YEHEZKIEL 28:17

Hatinu apan maṛṛamaga naa'ola'a si'o mawunga wuṛṛu atatelengnga naaola'a si'o mammanara woddo. Ana waugu udde i'o Ta'u iwantinga su leta'a wuṛṛu Ta'u olaanna pananaunganna su manga ratu waine.’ ”

YEHEZKIEL 30:14

Ahewallu Mesir timukka sarun Ta'u olaanna mal᷊annaba wuṛṛu soan Soan su sawannakka sarun Ta'u soṛṛowanna. Tebe inangngu soa udde sarun Ta'u iṛṛuumanna,

YEHEZKIEL 7:26

Asasilaka wuṛṛu watti'a lal᷊eo sidutu sarun rumanta. I yamiu sarun sumal᷊ande tadea'u manga nabi mappulu mamani'atta, arawe i mangitou tawe maaola'a. See lai manga imam tawe dapa iaṛṛa'a su umatta, manga piaṛṛa'a niasueannu tatantiro.

OBAJA 1:7

I'o niawusuannu manga hawenu, wuṛṛu nilimbuaṛṛanna wuassu wanuanu. I'o niwaddon manga hawenu, nihauannu taumata apan niumanna suadio'a ringannu. I mangitou ma'iwal᷊o su ola'u watangannu, ‘Suapate orassa indi al᷊awo'u apapandene?’

OBAJA 1:8

Su allo i Ya'u makkuumannu Edom, manga taumata apan pande sarun Ta'u pateanna. Wuṛṛu al᷊awo'u asingkatti mangitou sarun mawul᷊i, tawe lannangnge.

REENGANNA 13:22

Paarorone i mangitou inaite su wageangngu timukku wanua udde wuṛṛu na'omate su soan Hebron, atatanaannu manga taumatan Ahiman, Sesai wuṛṛu Talmai, walahanni Enak. I Hebron niapararisikka pitu tonna maṛṛoṛṛoanna wuassu soan Zoan su Mesir.

WATTI'U MANGA RASUL 7:22

Al᷊awo'u apanden taumata Mesir niaṛṛa'a si tou wuṛṛu i tou naola'a taumata apan lembon taṛṛino sulal᷊ummu wisara wuṛṛu inolaanne.