YESAYA 18:2 - WUKE SUSI WATTI'U AL᷊AL᷊USASSA

² Wuassu wanua udde nirumantate manga daroloṛṛanna massaalannu pandanna tinumumbe Sal᷊ukku Nil. Ei, manga daroloṛṛanna apan matikko'a, paal᷊ihakka apul᷊ete su wanuanu apan aeleṛṛannu manga sal᷊ukka udde. Apira'e indi sambau tanata hunan walahannu apan matohassa wuṛṛu waṛṛani, manga taumatanu apan matanggakka wuṛṛu pisine al᷊ussa wuṛṛu iaata'utta su ahewallu runia.

YESAYA 18:2 Iomraidhean Croise

2 TAWARIKH 14:9

Su sambau tempo sangkatou taumatan Sudan aranne i Zerah namangalo Yehuda ringannu tantarane 1000.000 su atoune wuṛṛu 300 keretan pangalo. I mangitou niumamatta araune naddatingngu Maresa.

2 TAWARIKH 16:8

Wal᷊inewe Sudan wuṛṛu Libia uatahuanna tantara apan manambo ringannu keretan pangalo wuṛṛu tantara uasa'e awal᷊o? Salaiwe aroddi Mawu nangonggolu auntunganna si yamiu, ana waugu i'o uaantimma si Tou.

AYUB 9:26

Naal᷊ihidda saalanna sussassakka, wia'u malliudda ringannu mal᷊ihakka, al᷊ihakke naal᷊ihidda asiaṛṛe monto'a, mangametta wiakke.

SASABANGNGA 2:3

Arawe ana'a udde tawe iawuni mal᷊annu. Ne inangnge nanganu sambau sal᷊angka wuassu nannal᷊on nioosannu pulutta tadea'u tawe asuttannu ua'e. Ana'a udde nitaṛṛo sulal᷊ummu sal᷊angka udde, ana see niapiddi tou watukku pattangngannu nannal᷊on buṛṛassa su winggin sal᷊ukka udde.

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YEREMIA 49:14

I ya'u, Yeremia, mabbisara, “Ei Edom, i ya'u buatte nanengkamma sambau watti'a wuassu Mawu. I tou buatte nandolokku daroloṛṛanna ringannu manga walahanna tadea'u mandolokki mangitou mangammullu tantara wuṛṛu mandiahite inai mamangalo si'o.

YEHEZKIEL 30:9

Napawe allo udde nia'omante, wuṛṛu Mesir naṛṛimunsa'e, i Ya'u sarun mandolokku manga daroloṛṛanna ringannu manga apalla ipamaṛṛindu'a manga taumatan Sudan apan tawe antage udde, ne i mangitou sarun mata'utta. Atonna, allo udde sarun dumanta!”

OBAJA 1:1

Eteindi laṛṛangngon Obaja; i tou namasingkattu tanatan Mawu Apan Atanggaṛṛanne su ola'u walahannu Edom: Mawu buatte nangirimmu daroloṛṛan-Ne ringannu manga walahanna, wuṛṛu i ite buatte naringikka tanata apan buatte niapidde ere indi, “Pandiahite inai mapapangalo! Wette i ite inaite mamangalo Edom.”

HABAKUK 1:7

Su al᷊awo'u tampa i mangitou mandantan atata'utta; ringannu mawunga i mangitou mannol᷊a'u anambon tita tabbene'e nasul᷊ungngu apulun mangitou.

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.