YESAYA 16:8 - WUKE SUSI WATTI'U AL᷊AL᷊USASSA

⁸ Manga wawail᷊anna maranin Hesybon wuṛṛu manga waillu anggori Sibma buatte niapaarusa, manga wailla apan wiasane mangngonggollu anggore apan apianne su manga tembonannu walahanna wuṛṛu mammu'anna si mangitou. Dorone manga waillu anggore udde uawannadda naddatingngu soan Yaezer; wuṛṛu su ra'i sara wadda'u anne, wuṛṛu su samba'an baṛṛatta naddatingngu samba'an Tahal᷊oangnga Nate.

YESAYA 16:8 Iomraidhean Croise

2 SAMUEL 1:21

Ei manga wuiddu Gilboa, paddaringikka wisara'u; Arie ma'oman sara wal᷊angngukka wuṛṛu uranna maaṛṛolo si'o! Wala'ewe mamara wuṛṛu maṛṛasa leta'u wawail᷊annu wuṛṛu wadda'a. Ana waugu ete poiaroddi nirangkalle allungngu taumata waṛṛani. Wuṛṛu allungngi Saul nitaiante, tate lai lananna.

YESAYA 10:7

Arawe ratun Asyur pia gol᷊age sassane. I tou mappandumma mappaattu araṛṛagissa ipamate manambo walahanna.

YESAYA 15:4

Taumatan Hesybon wuṛṛu taumatan Eleale maggontol᷊anna, wuṛṛu tingikki mangitou aaringiṛṛanna sara Yahas. Ewe'e lai manga tantara mangngiladda; i mangitou niawul᷊ianten awawaṛṛani.

YESAYA 16:9

Orassa indi i ya'u lulluaiten baillu anggori Sibma ere lai i ya'u lulluain Yaezer. Allo mata'u tinumuro ana waugu Hesybon wuṛṛu Eleale, ana waugu hessin sinuananne ni'annu seetta sara nasue.

YESAYA 24:7

Punnu anggore maṛṛissitta wuṛṛu ua'en anggore masahadda paddeaanne. Taumata apan dorone lulluassa orassa indi massusate.

YEREMIA 48:32

I Ya'u lai lembon lumuain tumana'u Sibma wuassu tumana'u Yaezer. Soa Sibma ere sasuanna anggore apan rannane tuttundo su samba'an Tahal᷊oangnga Nate araune sara Yaezer. Arawe orassa indi manga wua tempon paddissa wuṛṛu wuan anggore buatte nituwangnga.

REENGANNA 21:32

Wua'udde i Musa nandolokku manga taumata inai maddea'a lal᷊anna apan apianne pamangaloanne soan Yaezer. Ana see taumatan Israel nangaṛṛo soa udde see lai manga soa maradio'a maranine wuṛṛu nallimbuakka taumatan Amori apan uatana'a poiaroddi.

REENGANNA 32:3

Unni mangitou, “Leta'u manga soan Atarot, Dibon, Yaezer, Nimra, Hesybon, Eleale, Sebam, Nebo wuṛṛu Beon apan niatanaanten taumatan Israel ringannu aakkannu Mawu, tumaniten mapia pabbuwunanna winatangnga,

REENGANNA 32:35

Atarot-Sofan, Yaezer, Yogbeha,

REENGANNA 32:38

Nebo, Baal-Meon, wuṛṛu Sebam. Manga soa apan niapararisiki mangitou apia udde nihantianni mangitou aranne.

YOSUA 13:19

Kiryataim, Sibma, Zeret-Hasahar apan addone su wuiddu wawal᷊anna udde,

YOSUA 13:25

Wageangi mangitou nasutta lai leta'u Yaezer wuṛṛu anambon soa su Gilead see samba'an wuassu wageangngu walahannu Amon na'oman sara araune su Aroër su samba'an da'in Raba;