YESAYA 16:6 - WUKE SUSI WATTI'U AL᷊AL᷊USASSA

⁶ Walahannu Yehuda, “I yami naaringikke ola'u awawungan walahannu Moab. I yami masingkatta manungku i mangitou mawunga wuṛṛu matanggakka. Wisaran mangitou tumba'u tingikka apan tawe loṛṛone.”

YESAYA 16:6 Iomraidhean Croise

AMSAL 21:24

Taumata mawunga wuṛṛu naungnga matanggakka apulune mappasal᷊a wuṛṛu tawe atoranne.

YESAYA 15:1

Eteindi tanata Mawu su ola'u Moab. Soa Ar wuṛṛu Kir niuno sulal᷊ummu tempo saṛṛabbi, wuṛṛu wanua Moab naola'a mal᷊anna-l᷊annabba.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 25:11

Tumanangnge sarun mangul᷊ukku limane ere taumata umalanga. Arawe Mawu sarun mapaawawon atatanggakki mangitou ma'oman sara i mangitou mallome.

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 28:18

Pa'airenu ringannu papate wuṛṛu riandinu ringannu runian papate sarun tawe iapasakkuta, ma'oman sara napawe asasilaka rumanta, i yamiu mapussa'a sassal᷊idananna.

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

YEREMIA 48:14

Ereapa wotongnge esakku Moab waṛṛani mabbisara, ‘I yami waṛṛani, manga tantara apan matohassa buatte nisal᷊u'atanna sulal᷊ummu pangalo?’

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

YEREMIA 48:42

Moab sarun maṛṛimunsa'a wuṛṛu tate lai maola'a sambau walahanna, ana waugu i mangitou mammungan batanganne su saruang-Ku.

YEREMIA 50:36

Matete manga nabi su Babel! I mangitou taṛṛa awusu wuṛṛu longonna. Natete tantaran Babel apan matohassa! Aroddi ata'unne i mangitou!

AMOS 2:1

Mawu nabbisara, “Tumana'u Moab masokkate ma'ola'a rosa, ana waugu udde i Ya'u sarun makkuumanni mangitou. I mangitou mallobbossa si Ratun Edom apan natete ude; ringannu namongkakku labbingnge see nanganu manga duṛṛine wuṛṛu nitambunna nabbal᷊i awu.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”