YESAYA 16:4 - WUKE SUSI WATTI'U AL᷊AL᷊USASSA

⁴ Wala'e i yami mattindaho su wanuanu. Lu'arewe i yami wuassu manga taumata apan mappulu mamate si yami.” (Pangangallangnga wuṛṛu pamamate sarun masue, wuṛṛu manga taumata apan makkimunsa'a wuṛṛu mangngallangnga wanua Israel sarun mawul᷊i.

YESAYA 16:4 Iomraidhean Croise

YESAYA 14:4

Napawe Mawu ma'ola'a udde, i mangitou sarun mangal᷊uandaga ratun Babel arendi, “Ratu maṛṛagissa nanawote! I tou tate mapangallangnga apia.

YESAYA 15:6

Ua'en Sal᷊ukku Nimrim wuṛṛu nannal᷊o apan tinumuwo su winggine naṛṛangute, tate lai manga sasuanna apan mangelomma.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

YEREMIA 40:11

Tantal᷊anna udde anambon taumatan Israel apan uatana'a su wanua Moab, Amon, Edom, wuṛṛu manga wanua waine, naaringikka manungku ratun Babel buatte namalan sambageanganna taumatan Israel matana'a su Yehuda, wuṛṛu manungku i tou buatte nanenegi Gedalya maola'a gubernure.

YEREMIA 48:18

Ei tumana'u Dibon, sossokke wuassu manga tampanu apan mawantuga; a'iante su leta'a wuṛṛu su wowon awu. Ana waugu apan manggohohakku Moab wanuanu na'omate, wuṛṛu sarun makkimunsa'a anambon tanda batunu.

YEREMIA 48:8

Anambon soa sarun maṛṛimunsa'a, tawe saran sambau apan mallambe. Wawal᷊anne wuṛṛu wadda'a sarangkanambone sarun maṛṛusa'a. I Ya'u, Mawu, buatte nabbisara.

OBAJA 1:14

Tawe su lal᷊anne i'o dumarisikka su pappengannu lal᷊anna, tadea'u mangampangnga manga taumata apan tuttal᷊angngu watanganne wuassu seetta, ara'e manantilli mangitou su ro'appa su allo i mangitou niaṛṛiaannu asasusa.”

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.

ZAKARIA 9:8

I Ya'u sarun mandiaga leta-U wuṛṛu mannal᷊are ammul᷊annu tantara raho apan sumabbi umamatta isudde. I Ya'u tate lai mamala mangangallangnga mandal᷊eo uma-U. Ana waugu asasusan mangitou buatte Ta'u niasiloanna.”

MALEAKHI 4:3

Su allo udde i Ya'u sarun mammanara, wuṛṛu i yamiu sarun mamaddon manga taumata lal᷊eo, ma'oman sara i mangitou ere awu apan lakkindanni yamiu.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

TAHIUL᷊E 24:14

Imbaṛṛangnga mangapande taumatan sewa asiangnga wuṛṛu tawe dapane, mawae sambalahannu, ara'e taumata raho apan uatana'a su sambau soanu sambau.

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.