YESAYA 14:2 - WUKE SUSI WATTI'U AL᷊AL᷊USASSA

² Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

YESAYA 14:2 Iomraidhean Croise

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YESAYA 31:8

Asyur sarun ṛaddaanna sulal᷊ummu pangalo, arawe wal᷊ine ringannu auatannu taumata. Taumatan Asyur sarun tumal᷊angnga wuassu papangaloanna, wuṛṛu manga umbasanni mangitou sarun olaanna allangnga.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

YESAYA 49:22

Mawu Apan Atanggaṛṛane nabbisara uman-Ne, “i Ya'u sarun mangonggollu tiala su manga walahanna wuṛṛu i mangitou sarun mapaapul᷊e manga anangngu; manga anangngu esakka sarun bawananna, wuṛṛu manga anangngu wawine sarun pasannananna su wambangnga.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 49:25

Mawu sinumimbakka, “Eteudde apan sarun mariaddi. Atawannu manga taumata waṛṛani sarun anuanna apia. Saranapan taumata maṛṛagissa sarun aṛṛoanna apia. Ana waugu ete i Ya'u sassane mando'appa seennu; i Ya'u sarun manal᷊amatta manga anangngu.

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

YESAYA 60:4

Pa'ellege apa apan nariaddi su uapal᷊iwutta si'o; tumana'u soa ma'ammulla ana mapul᷊e ringannu. Manga anangngu esakka nirumanta wuassu tampa marau, manga anangngu wawine wawawananna.

YESAYA 61:5

Ei, pabbawala'u, taumata raho sarun mangimbe si yamiu; i mangitou sarun mallu'adda winatangngu wuṛṛu mammanara wailla se'e lai waillu anggorenu.

YESAYA 66:12

Ana waugu Mawu nabbisara, “I yamiu sarun Ta'u onggol᷊annu lal᷊umanna'a naal᷊ihidda sal᷊ukka apan mangngelekka; pa'aala manga walahanna sarun iapidda ringannu naal᷊ihidda sal᷊ukka apan tuttompe'a. I yamiu naal᷊ihidda ana'a apan iappasusu wuṛṛu sasal᷊uruannu inangngene, see lai sassaṛṛiolohanna su ṛiwane.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YEHEZKIEL 39:10

Nariaddi i mangitou salaiwe lasa'e mangammulu alu papputunganna su wawail᷊anna ara'e manuwangnga alu su mahurangnge, ana waugu manga lutangnga apan nitantanga udde tumaniten manambo maola'a alu papputunganna. I mangitou sarun mangaṛṛo wuṛṛu maṛṛampassa darotongngu manga taumata apan buatte nangaṛṛo wuṛṛu naṛṛampassa darotongngi mangitou. I Ya'u, Mawu Apan Atanggaṛṛanne buatte nabbisara.”

DANIEL 7:18

Arawe umattu Ruata Apan Atanggaṛṛanne sarun manengkamma manara ipamarenta wuṛṛu pamamarentane sarun mattaṛṛangnga saran mal᷊annu-l᷊annu.”

YOEL 3:8

Manga umbasanna maṛṛualanu sarun Ta'u iwal᷊u'a su tumana'u Yehuda, apan sarun mabbal᷊ungnge apia su Syeba, wanua apan marau. I Ya'u Mawu, buatte nabbisara.

IMAMATTA 25:44

Amungkangngu i yamiu mappandumma allangnga, i yamiu wotongnge mamalli wuassu manga walahanna apan uatana'a maraninu.

OBAJA 1:17

“Arawe su Wowon Sion, sarun piaddu masal᷊amatta, wuṛṛu wowone udde mabbal᷊i tampa apan niaṛṛae huna-U. Ne papapulunni Yakub sarun maatahuanna apia leta'a pussa'an mangitou.

ZAKARIA 2:13

Paal᷊annabbe i yamiu sarangkanambone su saruannu Mawu! Ana waugu i Tou buatte nanantangngu tampa wawanuan-Ne su surga.

ZAKARIA 2:9

“Mawu sassane sarun mando'appa si yamiu! Wuṛṛu i yamiu sarun pangaṛṛoannu manga allangngu dorone. Amungkangngu olangnge udde mariaddi, i yamiu sarun maasingkatta manungku Mawu Apan Lembontaṛṛino buatte nandolo'u.”

LUKAS 12:45

Arawe amungkangngu mangngimbe udde mabbisara sulal᷊ummu naungnge, ‘Mawu'u ta'e mal᷊annu mabelengnga,’ see i tou namuulle anambon mangangimbe, wuṛṛu umanna; ma'inumma ma'oman sara iwu'anne,

ROMA 15:27

Ringannu naungnga mal᷊uassa i mangitou nakkawessa ma'ola'a udde. Atonna ṛinone i mangitou mantul᷊ungngu manga tuṛṛangnga apan asiangnga su Yerusalem; ana waugu wuassu manga taumatan Yahudi udde, manga taumata wal᷊ine Yahudi buatte nanengkamma al᷊amatta wuassu Ruata. Nariaddi manga taumata wal᷊ine Yahudi ṛinone lai mantul᷊ungngu taumatan Yahudi ringannu manga al᷊amatta ere manga darotongnga.

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

EFESUS 4:8

Sulal᷊ummu Wuke Susi uawoṛṛetta, “Su tempo i Tou niumawitta su tampa apan atanggaṛṛanne, I Tou uaapiddu manambo taumatan ṛuumanna; wuṛṛu i Tou nangonggolu manga aonggola su taumata.”

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.