YESAYA 13:8 - WUKE SUSI WATTI'U AL᷊AL᷊USASSA

⁸ I mangitou sarangkanambone sarun aṛṛiaannu atata'utta apan bahewalla, wuṛṛu tuttambul᷊ilinnu atataddu'a ere wawine apan tantal᷊anna mangngunsiwe. I mangitou sarun masasaile ringannu asasinggawanga, hatine namillossa ana waugu massili.

YESAYA 13:8 Iomraidhean Croise

2 MARARATU 19:26

Manga taumata apan uatana'a poiaroddi tawe naal᷊ore; i mangitou niṛumindu'a wuṛṛu nata'utta. I mangitou naal᷊ihidda nannal᷊o apan tinumuwo su atuppu wal᷊en, mamara amungkangu tiupannu anginna ra'i apan mal᷊oso.

DARALO 48:7

Poiaroddi i mangitou mangngindon atata'utta, naal᷊ihidda wawine apan mangunsiwete,

YESAYA 26:17

Naal᷊ihidda wawine apan mangunsiwete u'ambul᷊isadda wuṛṛu mangngintul᷊in atataddu'a, etearoddi lai i yami su saruan-Nu, Mawu.

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YEREMIA 30:6

Ṛingira'o wuṛṛu tutuṛṛe'o! Wotongngewe esakka mangunsiwen ana'a? Amungkangngu aroddi, anio i Ya'u naasilo suapan esakka hatine namillossa wuṛṛu maṛṛaddannu tianne ringannu lima ere wawine apan mangunsiwete?

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

YEREMIA 48:41

Manga soa wuṛṛu manga tanda batune sarun aṛṛoanna wuṛṛu tantarane sarun mata'utta ere wawine apan mangunsiwete.

YEREMIA 49:22

Naal᷊ihidda manu'a asiaṛṛe mangngametta ringannu papaidda uasiappakka, aroddi lai seetta sarun dumanta wuṛṛu mangametta Bozra. Su allo udde tantaran Edom sarun mata'utta ere wawine apan mangunsiwete.”

YEREMIA 49:24

Tumana'u Damsyik nallome, wuṛṛu tuttal᷊angngu atata'utta. I mangitou sussal᷊iomanna wuṛṛu uatataṛṛangnga ere wawine apan mangunsiwete.

YEREMIA 50:43

Naaringikka watti'a udde, ratun Babel nabbal᷊i nallome. I tou papal᷊iwutannu atata'utta, wuṛṛu uatataṛṛangnga ere wawine apan mangunsiwete.

YEREMIA 51:30

Taumatan Babel naddote mapapangalo wuṛṛu uatana'e su manga tanda batu. I mangitou niawul᷊iannu awawaṛṛani wuṛṛu tate maa'al᷊iore. Manga ngara pasallangannu soa buatte nihohakka, wuṛṛu manga wal᷊en nisoṛṛobba.

YEHEZKIEL 20:47

Doloṛṛa'e mahurangnge udde maddaringikka si Ya'u Mawu Apan Atanggaṛṛanne mabbisara si tou, ‘Paddaringikka! I Ya'u sarun mapaṛṛenggammu putungnga apan manoṛṛobba sara masue suapan aal᷊uanna tatahuanannu, mawae ete naṛṛangute aroddi lai apan tuttuwo apia. Putungnga apan lukkenggamma udde tawe iapadumma. I tou sarun lumewa wuassu timukka maddatingngu sawannakka, wuṛṛu anambon taumata sarun maapendamma sal᷊ihangne.

HOSEA 13:13

Israel uatahuanna tempo ipabbiakka, arawe i tou aroddi awoddone na'oman sara tawe nappaattu tempone udde. I tou naal᷊ihidda ana'a addio'a apan tate mal᷊annu lai masungkangnga arawe maddiri sumabbangnga wuassu illoṛṛon inangngene.

YOEL 2:6

Sutempo i mangitou namangalo, anambon taumata mangngiladda, anambon hati nampamikkassa wuṛṛu mawira-wira.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

YOHANES 16:21

Amungkangngu sangkatou wawine maraniten mangunsiwe, i tou massusa, ana waugu temponete i tou matataṛṛangnga. Arawe aroddi anangnge niasungkangnga, wawine udde naabul᷊iten asasusane ana waugu lulluassa manungku sangkatou ana'a niasungkangke su runia.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.