YESAYA 13:6 - WUKE SUSI WATTI'U AL᷊AL᷊USASSA

⁶ Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YESAYA 13:6 Iomraidhean Croise

AYUB 31:23

I ya'u sarun tawe ma'ola'a aroddi, ana waugu ṛuumannu Ruata tumaniten maata'utta naungku.

YESAYA 10:25

Sulal᷊ummu tempo apan mal᷊ihakka asasa'u-U si yamiu sarun iillol᷊o, see i Ya'u sarun makkadda'a si mangitou.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

YESAYA 13:9

Allo Mawu sarun dumanta, wuṛṛu su allo udde Mawu mapasabbangngu asasa'u-Ne wuṛṛu araṛṛagin-Ne apan bahewalla. Runia sarun maola'a wadda'a lol᷊okka, wuṛṛu suapan taumata marosa sarun mate.

YESAYA 14:23

Babel sarun Ta'u olaanna wiso apan atatanaannu manu'a mammeo. Babel sarun Ta'u waresianna. I Ya'u, Mawu Apan Lembontaṛṛino, buatte nabbisara.”

YESAYA 14:31

Lalluaite, wuṛṛu pangintul᷊ite pa'iontolla, ei manga soan Filistin! Ṛinone i yamiu sarangkanambone maggion atata'utta! Winabbawa awu sussal᷊oi wuassu sawannakka mammasingkattu darantan seetta; tawe taumata matal᷊o suwallatti mangitou.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

YESAYA 23:1

Eteindi tanata su ola'u Tirus. Ei manga masasenggotta wuassu Spanyol apan mammare laudda, lalluaite! Sutempo massenggotta mapul᷊e wuassu Siprus, i yamiu niwal᷊oanna manungku soa Tirus nahohakke. Lawuanna wuṛṛu manga wal᷊ene naola'e winalal᷊anna.

YESAYA 34:2

Mawu massa'u su anambon walahanna wuṛṛu al᷊awo'u tantaran mangitou. I Tou sarun makkuumanna wuṛṛu makkadda'a si mangitou.

YESAYA 34:8

Eteudde tempone Mawu manamba'a Sion wuṛṛu mabbal᷊issa manga seen-Ne.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YESAYA 52:5

Orassa indi apate manara-U isindi? Taumatan Babel nanawanna si yamiu ringannu walate apulune. I mangitou apan mangngallangnga si yamiu mammunga wuṛṛu sidutu mallobbossa si Ya'u.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

YESAYA 63:4

I Ya'u buatte nanggol᷊agu allo ipabbal᷊issa, wuṛṛu tempon pamamallossu uma-U.

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YEREMIA 49:3

Ei taumatan Hesybon, lalluaite ana waugu soan Ai naṛṛimunsa'e! Ei manga wawinen soa Raba, lallute! Palluṛṛete nasa karongnga tatiala massusa. Tal᷊angke pa'auwelenganna napenen awawingo. Milkom mongannu sarun iapidda su pamamuanganna suadio'a ringannu manga imam wuṛṛu manga tembonannu pamarentane!

YEREMIA 51:8

Arawe inaṛṛombanganne Babel nanawo wuṛṛu napesangnga. Luaie'o i tou, wuṛṛu rea'ete undamma pangundama'a manga lessane, asinungka i tou wotongnge mapia.

YEHEZKIEL 13:5

I mangitou tawe nandiaga manga tampa suapa manga darandungnge naṛṛa'a, wuṛṛu lai tawe nangapia manga tatanda'a udde. Nariaddi, Israel tawe iatahekka amungkangngu papangalo mariaddite su allo i Ya'u, Mawu rumanta makkuumanna.

YEHEZKIEL 21:12

Ei taumata apan mattate, lalluaite wuṛṛu sal᷊andete! Ana waugu hal᷊ele udde nasaddiate lumawangnga uma-U. Manga piaṛṛa'u Israel suadio'a ringannu ahewallu walahanna sarun usu'annu hal᷊ele udde ma'oman sara mate. Ne pameppelle roonu ringannu massusa,

DANIEL 5:26

Wuṛṛu eteindi atappasanne: Ireengnga tempon pamamarentan Tuangku buatte nireengngu Ruata wuṛṛu niinsuene;

DANIEL 5:9

Ratu Belsyazar lembon sussinggawangnga wuṛṛu namillossa lai; see lai manga tembonanne lembon nabbingote.

YOEL 1:11

Ei manga mabbawailla, lalluaite! Ei mabbawaillu anggore, sasangitte! Ana waugu gandumma, jelai wuṛṛu anambon pangitinganna nal᷊al᷊eo.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YOEL 1:5

Ei manga taṛṛa wu'anna, apu'ote! Ei manga taṛṛa inumma, lalluaite! Ana waugu anggore apan wakku buatte niaṛṛo wuassu moṛṛongngu.

YOEL 2:1

Paniuppe trompetta, patuntingia'e tatialan asasilaka su wuiddu Sion apan susi, aṛṛa'uanu Ruata. Pangngiladde, ei tumana'u Yehuda! Ana waugu Allon Mawu maranite wuṛṛu mal᷊ihakke rumanta.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

AMOS 5:18

Mangke atonna nasilakate i yamiu apan uaṛṛaddo allon Mawu! Apa hunane allo udde si yamiu? Allo udde tumba'u allo apan marandumma, wal᷊ine allo apan masemakka si yamiu.

ZEFANYA 1:14

Allon pallaṛṛuungngu Mawu maranite, ore, marani-ranite, manungku sarun dumanta ringannu mal᷊ihakka. Allo udde napenen atataddu'a, na'oman sara manga tantara apan atohasanne lai sarun sumal᷊iomanna ana waugu niasueannu ṛingidda!

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.

ZAKARIA 14:1

Allon pallaṛṛungngu Mawu maranite. Ne Yerusalem sarun pangaṛṛoanna, wuṛṛu ina'ul᷊ene sarun tahianna su saruannu matanu.

MALEAKHI 4:5

Arawe tantal᷊anna taambe allo apan wahewalla wuṛṛu masaddata apan Ta'u tinantunna udde a'omanna, sarun irolokka ringanni yamiu Nabi Elia.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”