YESAYA 13:3 - WUKE SUSI WATTI'U AL᷊AL᷊USASSA

³ Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.

YESAYA 13:3 Iomraidhean Croise

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

YESAYA 23:11

Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YESAYA 5:26

Mawu sarun mamaggo walahanna apan marau wuṛṛu i mangitou sarun dumanta ringannu mal᷊ihakka!

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 51:46

Ariete mata'utta ara'e suminggawanga ana waugu watti'a apan aaringiṛṛanni yamiu. Suapan tonna massal᷊iawukka watti'a apan uapapaṛṛala – watti'a su ola'u araṛṛagissa sulal᷊ummu wanua wuṛṛu su ola'u manga ratu apan uapapangalo sangkatou ringannu waine.

YEREMIA 51:53

Salaiwe Babel ma'asaa langitta wuṛṛu ma'ola'a tanda'a apan tawe a'omanna, i Ya'u sidutu sarun mandolokku taumata inai manggohakka. I Ya'u, Mawu, buatte nabbisara.”

YOEL 3:11

Wette, rantate paasaṛṛawutta, ei manga walahanna wuassu al᷊awo'u pappi'uanne! Paammulle su wawal᷊anne poi.” Oh, Mawu, doloṛṛa'e tantara-Nu mamangalo si mangitou!

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!