YESAYA 11:10 - WUKE SUSI WATTI'U AL᷊AL᷊USASSA

¹⁰ Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

YESAYA 11:10 Iomraidhean Croise

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

1 TAWARIKH 2:12

i Obed i Isai.

DARALO 116:7

I'o napatammudu naungku, ana waugu Mawu mapia si ya'u.

DARALO 145:11

I mangitou sarun mamantuga taṛṛino-Nu maola'a Ratu, wuṛṛu mabbatti'u atatohan-Nu,

DARALO 149:5

Wala'e al᷊aṛṛana'u Ruata lumala'a ana waugu awawantu-Ge, wuṛṛu mangngantari lulluassa su al᷊o'engngu ṛabbi.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

YESAYA 14:3

Mawu sarun mamallossu taumatan Israel wuassu atataddu'a wuṛṛu asasusane, wuṛṛu wuassu manara mawakkatta apan iwabbata'a si tou.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

YESAYA 49:22

Mawu Apan Atanggaṛṛane nabbisara uman-Ne, “i Ya'u sarun mangonggollu tiala su manga walahanna wuṛṛu i mangitou sarun mapaapul᷊e manga anangngu; manga anangngu esakka sarun bawananna, wuṛṛu manga anangngu wawine sarun pasannananna su wambangnga.

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

YESAYA 60:5

Naasilo udde i'o tinumiangnga wuṛṛu hatinu nasemakka; i'o naherangnga wuṛṛu nahewalla naungnga. Darotongngu manga walahanna niapidda ringannu, pa'aala wuassu samba'an tahal᷊oangnga niombo si'o.

YESAYA 62:10

Tumana'u Yerusalem, sabbangke amattu ngaran soa, saddiate lal᷊anna su manga taumata apan mapul᷊e. Ola'e lal᷊anna mal᷊oangnga, rammea'e watune, pasia'e manga waneṛṛa tadea'u manga araratuanna masingkatta.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

HAGAI 2:9

Wal᷊e-U apan wakku sarun mappianna wuassu paarorone, wuṛṛu isindi i Ya'u sarun mangonggollu paddarame wuṛṛu lal᷊umanna'a su walahang-Ku.” Mawu Apan Lembontaṛṛino buatte nabbisara.

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’

REENGANNA 10:33

Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

MATIUS 12:21

al᷊awo'u walahanna sarun pia antimma si Tou.”

MATIUS 8:11

Atonna! Manambo taumata sarun dumanta wuassu samba'an ra'i wuṛṛu waṛṛatta lulluassa su sampunna ringanni Abraham, i Ishak wuṛṛu i Yakub sulal᷊ummu Runia Wakkun Ruata.

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

WATTI'U MANGA RASUL 28:28

Panginsueanne i Paulus nabbisara, “Manga tuṛṛangnga ṛinone maasingkata manungku su ola'u watti'u asasal᷊amatta wuassu Ruata orassa indi suete niapaasingkatta su manga walahanna waine apan bal᷊ine Yahudi. I mangitou sarun tumuṛṛutta!” [

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”

SONDAPPA 5:5

See sangkatou wuassu manga piaṛṛange udde nabbisara si ya'u, “Arie palluai! Pa'ellege! Singa wuassu walahannu Yehuda, papapulunni Daud apan wahewalla, suete naauntunga! I tou wotongnge mamesangnga pitu segele udde wuṛṛu mamu'a wuke udde.”