YESAYA 10:6 - WUKE SUSI WATTI'U AL᷊AL᷊USASSA

⁶ I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 10:6 Iomraidhean Croise

2 SAMUEL 22:43

I mangitou ta'u niṛṛimunsa'a naal᷊ihidda awu apan nassal᷊iawukka, wuṛṛu ta'u nialassa naal᷊ihidda labbo su lal᷊anna.

2 MARARATU 18:25

Unnu pahinu yami mamangalo wuṛṛu namaddon wanuanu ringannu tawe sasumbalan Mawu? Ete Mawu sassane apan mandolokki yami iapapangalo wuṛṛu iapaṛṛimunsa'a si yamiu!”

YESAYA 19:17

Leta'u Yehuda maola'a paggahahion taumatan Mesir suapan i mangitou tagguannu laṛṛawessu Mawu Apan Lembontaṛṛino su ola'i mangitou.

YESAYA 22:5

Atonna, Mawu Apan Lembonmatanggakka wuṛṛu Lembontaṛṛino buatte nanantunnu allo indi maola'a allon patatiakka, atata'utta wuṛṛu pabbawawul᷊o su Wawal᷊annu Sondappa. Manga tanda'u watun soa buatte niṛṛa'a. Aintul᷊i ma'iontolla nunnalunna su manga wuidda.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YESAYA 32:6

Taumata woddo mappasabbangngu manga wisara apan woddo wuṛṛu manggol᷊agu al᷊al᷊eo. Sarangkanambone apan olaanna ara'e iwisarane maola'a aal᷊uandaga su saruannu Ruata. Tawe saran pa'assa i tou nangonggollu anna su taumata mal᷊unussa ara'e napa'inummu taumata marou.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 41:25

I Ya'u buatte nangal᷊oren sangkatou wuassu ra'i: i Ya'u niwaggoanna i tou iapapangalo wuassu sawannakka. Manga tembonanne sarun ṛindanna ere labbo, ere mandarunna urinna maṛṛinda leta'a maddeetta.

YESAYA 49:17

Manga taumata apan mamu'o si'o mal᷊ihakke rumanta, wuṛṛu iapa nandal᷊eo si'o napul᷊ete.

YESAYA 49:25

Mawu sinumimbakka, “Eteudde apan sarun mariaddi. Atawannu manga taumata waṛṛani sarun anuanna apia. Saranapan taumata maṛṛagissa sarun aṛṛoanna apia. Ana waugu ete i Ya'u sassane mando'appa seennu; i Ya'u sarun manal᷊amatta manga anangngu.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 5:29

Manga tantarane mammaṛṛo ere singa apan wakkute nanametta sinangngone, see tinal᷊angnge, wuṛṛu taweddu maapallossa.

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YESAYA 63:3

“Sassane i Ya'u sutampa pamamakkannu anggore suwallattu uma-U taweddu nantul᷊ung-Ku. Manga walahanna mangke Ta'u niṛṛinda sulal᷊ummu asasa'u-U, naal᷊ihidda ere makkinda wuan anggore. Daṛṛa mangitou namiti'a naṛṛolo lau-U, naal᷊uhudda ahewallu lau-U.

YESAYA 63:6

Sulal᷊ummu asasa'u-U apan lukkenggamma, Ta'u niṛṛinda manga walahanna; Ta'u niṛṛadda'a i mangitou, wuṛṛu daṛṛa mangitou Ta'u niwoso su leta'a.”

YESAYA 7:17

Mawu sarun mandantan ratun Asyur, ana see i'o wuṛṛu anambon lal᷊oṛṛon bal᷊enu se'e tumana'u soa sarun mamendamma manga allo napenen asasuṛṛipitta apan maggewal᷊anna wuassu sarangkanambone apan buatte niapendamanni yamiu ro'en araratuannu Israel wuṛṛu Yehuda natahia darua.

YESAYA 8:4

Waugu tantal᷊anna ana'a udde ta'e addio'a taambe maasaggo ‘Papa’ wuṛṛu ‘Mama’, anambon paa'alan Damsyik wuṛṛu anambon saranapa niṛṛampassu Samaria sarun ṛuwoanna ringannu ratun Asyur.”

YESAYA 8:8

I mangitou sarun mangelekka su Yehuda ere manawangnga atanggakke sara ullekka manggal᷊amon kal᷊awo'a.” Ruata uarundinganna si ite! Papaid-De apan uasiappakka uatillumma wanuan kite.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YESAYA 9:19

Su ahewallu wanua udde taumata maṛṛanggotta wuṛṛu u'anna wiakka apan botongnge iwo'o, arawe tawe maapendamma mal᷊aidda. Ewe'e i mangitou u'inassa manga hawe mangitou sassane!

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEHEZKIEL 29:20

Leta'u Mesir Ta'u ionggolla si tou maola'a lal᷊antakku manga inasaharanne, ana waugu tantarane buatte nammanara huna-U. I Ya'u, Mawu Apan Atanggaṛṛanne buatte nabbisara.

YEHEZKIEL 38:12

I'o sarun mangaṛṛo wuṛṛu maṛṛampassa manga saranapan tumana'u soa udde apan dorone ete winalal᷊anna udde. Tumanangnge apan niammulla wuassu al᷊awo'u walahanna, orassa indi piate darotongnga manambo wuṛṛu winatangnga wuṛṛu i mangitou natana'a su pusiddu runia.

YEHEZKIEL 38:13

Tumana'u Syeba wuṛṛu Dedan see manga mabbawal᷊u'a su manga wanuan Spanyol sarun maiwal᷊o si yamiu arendi, ‘Apa i'o sarun mandolokku tantaranu tumba'u ipangaṛṛo wuṛṛu maṛṛampassa wul᷊awanna sal᷊a'a, winatangnga wuṛṛu darotongnga, see maṛṛoota sarangkanambone udde?’ ”

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

HABAKUK 1:12

Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.

MATIUS 15:7

I yamiu taumata lilangkamal᷊e'a! Tawe sal᷊ane apa apan suete niwal᷊on Yesaya su ola'i yamiu eteudde,