YESAYA 10:1 - WUKE SUSI WATTI'U AL᷊AL᷊USASSA

¹ Nasilakate i yamiu apan nakkiinnu manga tita apan wengkolla ipangallangnga pabbawala-U.

YESAYA 10:1 Iomraidhean Croise

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

DARALO 58:2

Ei manga tembonanne, matul᷊iddawe laṛṛawennu? Matul᷊iddawe i yamiu sutempo makkungnga taumata?

SASABANGNGA 23:3

Imbaṛṛangnga mamile hatin taumata sulal᷊ummu hatton pallaṛṛuungnga, salaiwe papparikisanna udde taumata asiangnga.

SASABANGNGA 23:6

Ola'e taumata asiangnga ringannu atatul᷊idda amungkangngu i tou rumanta mangapiddu hattone su mallaṛṛuungnga.

YESAYA 29:21

taumata apan apulune mangngal᷊uandaga, taumata apan tawe mapaṛṛuumannu taumata lal᷊eo, wuṛṛu taumata apan mannal᷊iawukku manga watti'a awusu tadea'u taumata mapia tawe maasomba atatul᷊idda.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

YESAYA 5:18

Nasilakate i yamiu apan tawe illol᷊one ma'ola'a rosa!

YESAYA 5:23

Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.

YESAYA 5:8

Nasilakate i yamiu apan namalli manga wal᷊en wuṛṛu nangaṛṛo manga wailla ipanimu darotongngu! Tate mal᷊annu lai masuete tampan taumata waine wuṛṛu ete i yamiu apan matana'a su wanua udde.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YEREMIA 22:13

Nasilakate taumata apan mapararisikku wal᷊ene ringannu mallinga wuṛṛu manggewalla ringannu wawahia. Nasilakate i tou apan nandolokku taumata mammanara ringannu tawe lal᷊antakke.

AMOS 2:7

I mangitou mangngallangnga taumata lome wuṛṛu tawe maal᷊ore, wuṛṛu nallinbuakka taumata asiangnga. Iamangnga wuṛṛu ana'a natatamban allangnga wawine apan uasul᷊ungnga, na'oman sara nandal᷊eo arang-Ku, apan susi.

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”

HABAKUK 2:12

Niawontohante i'o! I'o napararisikku soa ringannu pinangiananne al᷊al᷊eo wuṛṛu namangunna ringannu pamamate.

HABAKUK 2:15

Niawontohante i'o! I'o mallobbossa wuṛṛu mammansili al᷊indongannu; i'o na'ola'a si mangitou sussansendekka ere taumata wu'anna.

HABAKUK 2:6

Arawe sarangkanambone apan niawaddone udde sarun mamasendekka wuṛṛu mallobbossa si tou. I mangitou sarun mabbisara, “Niawontohante i'o ana waugu mangngombon darotongnga apan wal᷊ine tatahuanannu! Pira tempo lai i'o mapaalan batangannu ringannu mammata'u manga taumata pia awallassa si'o tadea'u mamaekka awallassi mangitou?”

HABAKUK 2:9

Niawontohante i'o! I'o napaalan amonannu ringannu auntunganna apan niasombangannu ringannu araṛṛagissa, tadea'u wal᷊enu sassane mal᷊angnganna wuṛṛu maliu wuassu asasusa wuṛṛu asasilaka.

MATIUS 11:21

“Nasilakate yamiu Korazim! Wuṛṛu nasilakate lai yamiu, Betsaida! Unnu wisara manga al᷊aṛṛindu'a apan niola'a su pattangnganni yamiu suete niola'a su Tirus wuṛṛu Sidon, asinungka manga taumata poiaroddi mal᷊annute nawal᷊u wuassu paddarosa mangitou wuṛṛu suete nalluṛṛen laubbu massusa, see nandenoten awu su pua mangitou.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

MATIUS 23:27

Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu naal᷊ihidda ere manga holangnga apan niwuṛṛannu mawira; su liudde ellehanna maṛṛansangnga, arawe sulal᷊umme napenen duṛṛi wuṛṛu sarangkanambone apan mawuku'a.

MATIUS 23:29

“Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu napararisikku holangnga apan maṛṛansangnga su manga nabi, wuṛṛu nallogakka manga palem pananaunganna su manga taumata apan mabbiakka matul᷊idda.

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

LUKAS 11:52

Nasilakate i yamiu, manga hurun agama! A'unsi ipamu'a ngaran apande sasahipunanni yamiu, arawe i yamiu sassane maddiri sumutta sulal᷊umme maddea'a apande udde. Arawe i yamiu mangngul᷊a'ukku manga taumata apan maapulu sumutta sulal᷊umme!”

YOHANES 19:6

Napawe manga imam temboanne wuṛṛu manga mandariaga udde naasilo Mawu Yesus, i mangitou u'ui, “Arussa'a i Tou! Arussa'a i Tou!” I Pilatus nabbisara si mangitou, “Apira'e i Tou, wuṛṛu arussa'eng kamiu sassane, i ya'u tawe naasomba saran sambau pasasal᷊a-Ne.”

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.