YESAYA 1:7 - WUKE SUSI WATTI'U AL᷊AL᷊USASSA

⁷ Wanuanu buatte nihohakka; manga soanu nitutungnga na'oman sara nepodda. Su saruannu matanu taumata raho mangnganu letangngu wuṛṛu mandomba al᷊awo'a.

YESAYA 1:7 Iomraidhean Croise

2 TAWARIKH 28:5

Ana waugu i Ratu Ahas na'ola'a rosa, Mawu Ruatane namalan tou niawaddon ratun Siria wuṛṛu lai nangapiddu manambo taumatan Yehuda apan niatawanna niapidda watukku Damsyik. Mawu lai namalan Ahas niawaddon Ratu Pekah ana'i Remalya wuassu Israel, apan sulal᷊ummu allo massallo namate 120.000 tantaran Yehuda apan awaṛṛanianne. Mawu, Ruatan al᷊amonan mangitou namalan sarangkanambone udde nariaddi, ana waugu tumana'u Yehuda tate lai maddaringikka Mawu.

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

DARALO 107:39

Arawe i mangitou niawaddo wuṛṛu ete matul᷊unga lambene ana waugu asasusa wuṛṛu pangangallanga apan nangillembo.

DARALO 109:11

Wala'e al᷊awo'u pussa'ane aṛṛoannu mallal᷊uṛṛu awallassa, wuṛṛu hessin inasaharanne anuannu taumata.

YESAYA 1:8

Tumba'u Yerusalem nallambe, arawe naola'a soa apan lal᷊iwunanna wuṛṛu tate maa'al᷊iore, naal᷊ihidda rasanna su waillu anggore ara'e sambengessa su waillu katimu.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YESAYA 34:9

Manga sal᷊ukku Edom sarun mawal᷊u mabbal᷊i teṛṛa, wuṛṛu letangnge maola'a beleranga. Panginsueanne ahewallu wanua ṛumenggamma ere teṛṛa.

YESAYA 49:19

Wanuanu apan mamara wuṛṛu mal᷊annabba, orassa indi nabbal᷊ite maṛṛipusi'a su manga taumata apan mappulu mamanua isudde. Wuṛṛu manga taumata apan maapulu mamate si'o, maraute wua dingannu.

YESAYA 5:17

Su winal᷊alannu soa ana'u ambingnga wuṛṛu domba sarun umanna nannalo wuṛṛu tawe asueannu pabbawiakka.

YESAYA 5:9

I ya'u ma'aringikka Mawu Apan Lembontaṛṛino nassalu, “Manga wal᷊en apan bahewalla wuṛṛu mapia indi sarangkanambone sarun mahangginna tawe lal᷊oṛṛone.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YESAYA 60:15

I'o sarun tawe itantangnga wuṛṛu iarantinna, wuṛṛu tawe iwala maola'a mal᷊anna-l᷊annabba. I'o Ta'u olaanna al᷊al᷊uassa sarangkal᷊o'enge, tampa ilallala'a saran mal᷊annu-l᷊annu.

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

YESAYA 64:10

Manga soa-Nu apan na'ukkassa naal᷊ihidda wadda'u anne, Yerusalem naola'a wadda'a maṛṛasa wuṛṛu mal᷊annabba.

YESAYA 9:18

Mawu Apan Lembontaṛṛino tumanite massa'u, wuṛṛu ṛuuman-Ne naal᷊ihidda putungnga apan lukkanganggabba wuṛṛu walahanna udde naola'a alune apan nasue. Tawe saran sangkatou apan umakkannu tuṛṛangnge.

YESAYA 9:5

Sangkatou ana'a niasungkangnga hunang kite; i ite nionggol᷊annu sangkatou ana'a esakka. I Tou sarun maola'a piaṛṛa'i ite. I Tou isaggo: “Mananantiro Pande”, “Ruata Matohassa”. “Iamangnga Tawe Auddusanne”, “Ratun Paddarame”.

YEREMIA 2:15

Seenne mammiṛṛonganna ere singa, letangnge niola'a mamara wuṛṛu tawe loṛṛone, manga soane nasue nisoṛṛobbu putungnga, niwala aroddi tawe tumanangnge.

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEREMIA 44:6

Ana waugu udde i Ya'u napasabbangngu asasa'u-U wuṛṛu al᷊al᷊eo naung-Ku su manga soan Yehuda wuṛṛu manga lal᷊anna su Yerusalem. Sarangkanambone Ta'u nisoṛṛobba na'oman sara nabbal᷊i ete manga tuidda wuṛṛu nal᷊ol᷊okka ere lai aellehanna orassa indi.

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

LAL᷊ALLU 5:2

Pussa'an kami nanawote su liman taumata waine, manga wal᷊en kami niatanaannu taumata lo'a.

YEHEZKIEL 25:4

Ana waugu udde i yamiu Ta'u iwala iwaddo manga ṛuanganna walahanna wuassu wadda'u Ra'i. I mangitou sarun mapararisikku manga rasanna su wanuanu ana see mamanuate isudde. I mangitou sarun umanna manga wuang kalunu wuṛṛu ma'inumma susun binatangngu.

YEHEZKIEL 30:12

I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

HOSEA 7:9

I mangitou tawe maatutukka manungku ete ana waugu pasasanggaal᷊oma ringannu manga walahanna udde, ne nawul᷊ite atatohassi mangitou. Panginsuenannu pabbiaṛṛanni mangitou maranite, arawe i mangitou wagga.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

IMAMATTA 26:34

Sutempo udde tantal᷊anna i yamiu ta'e sulal᷊ummu tampan pamuanganna su wanua manga seennu, letangu apan tawe niapaillol᷊onu sutempo i yamiu uatana'a isude, sarun tawe paddul᷊iananna wuṛṛu maasomba tempone mangillol᷊o.

MIKHA 5:11

Manga pasangkaddu sarun Ta'u iapawul᷊i wuṛṛu anambon taṛṛa si'annu sarun Ta'u limbuaṛṛanna.

MIKHA 6:13

Orassa indi Ya'u manattakke manggesekka wuṛṛu makkimunsa'a si yamiu ana waugu manga rosanu.

TAHIUL᷊E 28:33

Walahanna raho sarun manahuanna anambon hessin leta'a apan niasombanganni yamiu ringannu mammanara masahadda, arawe i yamiu sassane tawe maasomba manga apa tumba'u sidutu naiola'a allangnga wuṛṛu papparentanna ringannu maṛṛagissa.

TAHIUL᷊E 28:43

Manga taumata raho apan uatana'a su wanuanu sarun lembon mattohassa, arawe atatohannu lembon magaingnga.

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.