YESAYA 1:6 - WUKE SUSI WATTI'U AL᷊AL᷊USASSA

⁶ Wuassu pua maddatingngu pal᷊addu ledda taweddu mapia su waddangngu. I yamiu napenen manga hanne, manga liwitta wuṛṛu manga lessa. Manga lessanu udde taambe niwaresi ara'e niwa'issa, tawe lai niundamannu lana.

YESAYA 1:6 Iomraidhean Croise

2 SAMUEL 14:25

I Absalom niraloanna ere sangkatou apan atohasanne su ahewallu Israel. Tawe taumata apan mattohasanna wuassi tou. Wuassu pal᷊addu ledda maddatingngu pentakku uta'a tawe sangkulle.

AYUB 5:18

Ana waugu ete Ruata apan mapaal᷊essa, Ete i Tou lai apan mangundamma. Su lima-Ne apan namuulla, eteudde lai apan mapaul᷊e apia.

DARALO 77:2

Ringannu ma'ikkata i ya'u sussal᷊ande su Ruata; ringannu ma'ikkata i ya'u sussal᷊ande, ne i Tou naddaringikka si ya'u.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 30:12

Mawu nabbisara su uman-Ne: “Raddangngu tumaniten mawakkatta, su lessanu tawe undamme.

YEREMIA 30:15

Imbaṛṛangnga sumal᷊iomanna su ola'u manga lessanu, ana waugu i yamiu tawe antimma mapia. I yamiu Ta'u iṛṛuumanna aroddi ana waugu manambote rosanu wuṛṛu wahewalla pasasal᷊annu.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 6:7

Su ereapa al᷊imatan kua'e mappasabbangngu ua'e mapia, aroddi lai soa udde sidutu mappasabbangngu al᷊al᷊eo. Tumba'u watti'u araṛṛagissa wuṛṛu pallaṛṛampassa apan Ta'u niaringiṛṛanna waussu soa udde; lessa wuṛṛu radda'a Ta'u niasiloanna su al᷊awo'u tampa.

NAHUM 3:19

Hal᷊isanu sarun tawe aundamanna, wuṛṛu manga lessanu tawe mapia. Anambon taumata apan naaringikka watti'u araṛṛimunsangu sarun mattal᷊o'appa lulluassa. Ana waugu anambon taumata buatte natataṛṛangnga susa ana waugu al᷊al᷊eonu apan tawe panguddusanne udde.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

MATIUS 9:12

Mawu Yesus naaringikka aiwal᷊o mangitou see sinumimbakka, “Taumata apan tawe maradda'a, tawe mappandumma doktere, tumba'u taumata apan maradda'a.

LUKAS 10:34

Ne i tou nangundanin taumata udde see namaresi manga lessane ringannu anggore wuṛṛu inundamannu lana, wua'udde manga lessa udde niwa'issa. Wua'udde, i tou nallurannu taumata udde su keledain tou sassane, see niapidda su sambau wal᷊em patindahoanna see niundamante.