YESAYA 1:16 - WUKE SUSI WATTI'U AL᷊AL᷊USASSA

¹⁶ Raddassa watangannu ma'oman sara mawaresi. Illol᷊oa'e anambon al᷊al᷊eo apan a'olaanni yamiu udde. Ore, ariete lai ma'ola'a al᷊al᷊eo,

YESAYA 1:16 Iomraidhean Croise

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

DARALO 26:6

Lima'u niukkasa tatialan tawe nassal᷊a, wuṛṛu u'amatta mammal᷊iwutta mezba-Nu, oh Mawu,

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

DARALO 37:27

Tantanga'e taumata lal᷊eo, pa'ola'e apapia, ne saran mal᷊annu-l᷊annu papapulunnu sarun manahuanna leta'a udde.

DARALO 51:2

napawe i tou nitaguanni Nabi Natan ana waugu sinumandaga si Batsyeba.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

AMSAL 4:27

Pangindauten al᷊al᷊eo, wuṛṛu pabbiakke ringannu matul᷊idda. Imbaṛṛangnga sumewadda wuassu lal᷊anna apan atonna.

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

YEREMIA 18:11

Mawu nabbisara si ya'u, “Orassa indi, wal᷊oa'e su manga taumatan Yehuda wuṛṛu tumana'u Yerusalem manungku i Ya'u tantal᷊anna makkiinna mando'appa si mangitou, wuṛṛu mannaddiate ṛuumanna ionggolla si mangitou. Doloṛṛa'e i mangitou mangaddon ola'u pabbiaṛṛanni mangitou apan marosa udde see mangapia pallal᷊agu wuṛṛu inolaanni mangitou.

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YEREMIA 26:3

Asinungka walahanna udde maddulu maddaringikka, ana see maddote ma'ola'a al᷊al᷊eo, ma'oman sara i Ya'u tate manakkuttu apulu-U eteudde manilaka si mangitou uasul᷊ungngu inolaanni mangitou apan dal᷊eo.”

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YUNUS 3:8

Taumata wuṛṛu winatangnga ṛinone mappaattu nasa karongnga. Maola'a tatialan sasassillu anambon taumata ṛinone umal᷊iomanna ringannu atonna-tonna su Ruata. I mangitou ṛinone mangapia pallal᷊agune apan dal᷊eo wuṛṛu inolaanne apan nepenen dosa.

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

ZAKARIA 7:7

Eteudde apan niwal᷊on Mawu wuassu manga nabi sutempo nal᷊iu sutempo Yerusalem ta'e atatanaanna wuṛṛu tumanangnge su lal᷊umanna'a. Sutempo udde taumata wal᷊ine tumba'u uatana'a su manga ampungnga maranin soa arawe lai su wageangngu timukka wuṛṛu su wawal᷊annu manga wuidda su samba'an baṛṛetta.

MATIUS 3:8

Pasiloa'e ringannu pallal᷊agunu, manungku i yamiu nawal᷊ute wuassu manga rosanu.

WATTI'U MANGA RASUL 22:16

Orassa indi ariete i'o maṛṛado mal᷊annu. Darisikke wuṛṛu paisaṛṛanite. Sal᷊andete su Mawu tadea'u i'o iapaal᷊iu wuassu manga rosanu.’ ”

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

1 PETRUS 3:11

I tou ṛinone mangindaun al᷊al᷊eo wuṛṛu ma'ola'a apapia; ṛinone i tou mattinsahadda atonna-tonna ana see maasomba paddarame.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.