YEREMIA 9:5 - WUKE SUSI WATTI'U AL᷊AL᷊USASSA

^5-6 Sarangkanambone mangke uawawahia taweddu mabbisara matul᷊idda. Moṛṛongnge ninumarampe mangngawusu, i mangitou tate lai maatantangngu rosane. Araṛṛagissa ringannu araṛṛagissa, wawahia ringannu pangangawusu sidutu a'olaanni mangitou, i mangitou mangke sidutu mannol᷊a'u Mawu.

YEREMIA 9:5 Iomraidhean Croise

PANDARIADDI 19:11

I mangitou napaawutan anambon taumata su liuddu wal᷊en udde, na'oman sara manga taumata udde tate naasomba ngara udde apia.

AYUB 11:3

Ayub, i'o massunna manungku i yami tawe maasimbakka si'o? su pahinu i yami mal᷊annabba ana waugu aal᷊uandagu?

AYUB 15:5

Manga wisaranu mappal᷊iatta'a manungku i'o nassal᷊a, arawe al᷊al᷊eonu tataapannu manga wisaranu.

DARALO 140:3

I mangitou manggol᷊agu al᷊al᷊eo sulal᷊ummu naungnga, wuṛṛu miallo-miallo mandantan patatiakka.

DARALO 50:19

I'o sidutu mabbisaran al᷊al᷊eo, wuṛṛu sidutu uasadiaten wawahia.

DARALO 52:3

Ei taumata matohassa, anio i'o mammungan al᷊al᷊eonu, su taumata apan arangnguannu Ruata?

DARALO 64:3

Lu'arewe i ya'u wuassu ammul᷊annu taumata lal᷊eo, wuṛṛu hol᷊agu apanden manga taumata lal᷊eo.

AMSAL 12:5

Taumata matul᷊idda maṛṛingiddu apa mapia; taumata lal᷊eo mangngumpangngu pangangawusu.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

YESAYA 5:18

Nasilakate i yamiu apan tawe illol᷊one ma'ola'a rosa!

YESAYA 57:10

Ringannu tawe illol᷊one i yamiu maddea'a manga monganna. I yamiu massunna manungku i mangitou wotongnge manonggollu atatohassa wakku, na'oman sara i yamiu tawe mallome.

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YEREMIA 4:22

Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”

YEREMIA 51:58

Darandungngu Babel apan mangkatohassa sarun Ta'u hohaṛṛanna ma'oman sara maddatakku leta'a. Ngarane apan mangkatanggakka sarun Ta'u soṛṛowanna sara masue. Tawe gunane inasaharannu manga walahanna, ana waugu anambon hessin manaran mangitou sarun ametannu ara'e masorobbu putungnga. I Ya'u, Mawu Apan Lembontaṛṛino, buatte nabbisara.”

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

YEREMIA 9:3

wuṛṛu sidutu uasaddia mangngawusu. Su ahewallu wanua, apapia tawe uataṛṛino, ewe'e lai pallal᷊inga pia marasaine. Mawu nabbisara, “Uma-U ma'ola'a al᷊al᷊eo tawe tawe illol᷊one, i mangitou tawe manga'u si Ya'u ere Ruata mangitou.”

YEREMIA 9:8

Manga wisaran mangitou tumanite ma'asilaka, botongnge maapate ere anaanna mawisa. Manga wisara mangitou mangkete awusu. Manga wisara mangitou matemangnga maanemma, arawe wutte'e i mangitou mantaingngu sedda.

YEHEZKIEL 24:12

Arawe tawe anambon taine mawul᷊i matutungngu putungnga.

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

MIKHA 6:3

Mawu nabbisara, “Ei uma-U, apa apan buatte Ta'u niola'a su saruanni yamiu? Sulal᷊ummu olangnge apa i Ya'u napasusan kamiu? Simbakke aiwal᷊o-U!

HABAKUK 2:13

Manga walahanna apan niawaddonu mattinsahadda tawe gunane, al᷊awo'u saranapa apan niapararisikki mangitou nasue niepoddu putungnga. Sarangkanambone uddewe apulun Mawu Apan Lembontaṛṛino.

MALEAKHI 2:10

Wal᷊inewe i ite sarangkanambone uatahuanna Iamangnga apan uasul᷊ungnga? Wal᷊inewe i ite sarangkanambone niola'u Ruata apan uasul᷊ungnga? Amungkangngu aroddi, anio i ite uawawahia paaire wuṛṛu ringannu aroddi namahia paaire apan niola'u Ruata ringannu al᷊amonang kite?

EFESUS 4:25

Ana waugu udde manga tuṛṛangnga sarangkanambone, ariete mangawusu. Pa'ola'e mapia sangkatou ringannu sangkatou, ana waugu i ite sarangkanambone uddewe suadio'a naola'a wageangngu wadangi Kristus.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

MAL᷊AṚṚUUNGNGA 2:10

Wua'udde anambon taumata salluwane nate lai. Wuṛṛu ingana'a taumata manansunna tate lai maaillal᷊a Mawu, ana waugu i mangitou tawe naapendamma apa apan buatte niola'u Mawu su walahannu Israel.