YEREMIA 9:4 - WUKE SUSI WATTI'U AL᷊AL᷊USASSA

⁴ Su saruannu hawe, suapan taumata ṛinone paatehamma wuṛṛu tuṛṛangnga sidutu lai tawe apangimananna. Ana waugu, ere i Yakub aroddi lai i mangitou, sambau-sambau mammahia tuṛṛangnge. Suapan taumata u'amatta suapa-suapa tadea'u mannal᷊iawukku oddatta wuṛṛu awusu.

YEREMIA 9:4 Iomraidhean Croise

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

DARALO 101:5

Taumata apan mangngal᷊uandaga ringannu mal᷊annabba, sarun ta'u pateanna. Taumata apan mawunga wuṛṛu naungnge matanggakka tawe ta'u iwala aroddi.

DARALO 15:3

apan tawe manggal᷊usa'a sansul᷊ungnge, wuṛṛu tawe ma'ola'a al᷊al᷊eo su hawene, wuṛṛu mandal᷊eo arannu al᷊indonganne;

AMSAL 10:18

Taumata apan mammunin asasa'u i tou udde taṛṛa awusu. Taumata apan mannal᷊iawukku aumbilangnga i tou longonna.

AMSAL 25:18

Aansilla awusu wotongnge maapate, naal᷊ihidda hal᷊ele, darupa ara'e anaanna maṛṛoro.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

AMSAL 4:17

Al᷊al᷊eo wuṛṛu araṛṛagissa udde naola'a ere anna wuṛṛu ua'en mangitou.

AMSAL 6:16

Pia pitu hatto apan ipaddantinnu Mawu wuṛṛu tawe iwala-Ne aroddi; Pallal᷊agu mawunga, moṛṛongnga taṛṛa wahia, ta'iakka apan namate taumata tawe sal᷊ane, ṛingiranna apan makkiinnu manga inolaanna lal᷊eo, ledda apan uasasaṛṛawutta mattudda al᷊al᷊eo, matatiala apan sidutu mammahia, wuṛṛu taumata apan mamonsen pabbawawul᷊o suwallattu sandingananna.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.

YESAYA 9:16

Walahanna udde nassina'adde wuṛṛu nal᷊al᷊eote wuṛṛu anambon wisara mangitou lal᷊eo. Ana waugu udde suwallattu manga umbasanna tawe saran sangkatou apan niapaal᷊iu Mawu. I tou tawe niumakkannu wawine wal᷊u wuṛṛu asisitimpal᷊ussa. Arawe Mawu ta'e massa'u wuṛṛu ta'e makkuumanna.

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

YEREMIA 6:28

I mangitou sarangkanambone lumal᷊awangnga apan maatikka puane, ere aattikku witu'a wuṛṛu atta'a. I mangitou ala'uanne mawukku'a wuṛṛu u'amatta suapan tampa mannal᷊iawukku watti'a apan mandal᷊eo taumata waine.

YEREMIA 9:8

Manga wisaran mangitou tumanite ma'asilaka, botongnge maapate ere anaanna mawisa. Manga wisara mangitou mangkete awusu. Manga wisara mangitou matemangnga maanemma, arawe wutte'e i mangitou mantaingngu sedda.

YEHEZKIEL 22:9

Suwallattu tumanangngu pia manga taumata taṛṛa sondo apan apulune mallobbossa taumata waine tadea'u iṛṛuumanna pateanna. Piaddu lai apulune u'inassa ṛemessa apan buatte nionggolla su manga monganna. Piaddu lai apulune ma'ola'a pasasandaga.

IMAMATTA 19:16

Imbaṛṛangnga manal᷊iawukku hahelo suwallatu sambalahannu, tadea'u i yamiu tawe maapate taumata sansul᷊ungngu. Ete i Ya'u Mawu.

MALEAKHI 2:10

Wal᷊inewe i ite sarangkanambone uatahuanna Iamangnga apan uasul᷊ungnga? Wal᷊inewe i ite sarangkanambone niola'u Ruata apan uasul᷊ungnga? Amungkangngu aroddi, anio i ite uawawahia paaire wuṛṛu ringannu aroddi namahia paaire apan niola'u Ruata ringannu al᷊amonang kite?

MATIUS 10:17

Paariaga, ana waugu i yamiu sarun sametanna wuṛṛu iapaasaruanna su Mallaṛṛuungngu Agama. I yamiu sarun sansaranna su manga wal᷊em pattataṛṛamawuanna.

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

LUKAS 21:16

I yamiu sarun pateannu inangnga iamangngi yamiu, wuṛṛu manga tuṛṛangngu, manga ana'u tuṛṛangngi yamiu wuṛṛu manga haweng kamiu. Sangkawageanganna wuassi yamiu sarun pateanni mangitou.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.