YEREMIA 8:4 - WUKE SUSI WATTI'U AL᷊AL᷊USASSA

⁴ Mawu nandolo'u niapawisara arendi su uman-Ne, “Amungkangngu taumata manawo, i tou sarun mabbanguna apia, wuṛṛu amungkangngu taumata nilamammiṛṛanne su lal᷊anna, i tou sarun mabbelengnga apia.

YEREMIA 8:4 Iomraidhean Croise

1 MARARATU 8:38

antimanna I'o maddaringikka aal᷊iomanni mangitou. Amungkangngu wuassu wallattu uman-Nu Israel piaddu apan ringannu naungnga massusa umal᷊iomanna Si'o lapiddu uawatte limane watukku wal᷊en patataṛṛamawuanna indi,

AMSAL 24:16

Ana waugu, salaiwe taumata matul᷊idda masokka manawo, i tou sidutu sarun rumarisikka apia. Arawe mawal᷊i'a, taumata lal᷊eo sarun maṛṛimunsa'u asasilaka.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 36:3

Asinungka taumatan Yehuda tate ma'ola'a al᷊al᷊eo napawe i mangitou maaringikka su ola'u anambon asasilaka apan Ta'u niṛṛia'a si mangitou. Ne i Ya'u sarun mangampungnga rosa wuṛṛu al᷊al᷊eo mangitou.”

YEREMIA 4:1

Mawu nabbisara, “Umattu Israel, amungkangngu i yamiu mappulu mabbelengnga, wette pabbelengke ringang-Ku. Rammea'e dorone manga paal᷊uanna apan ia'aranting-Ku udde, wuṛṛu paatuṛṛutte si Ya'u.

YEHEZKIEL 18:23

Apa i'o maṛṛingidda manungku i Ya'u Mawu Apan Atanggaṛṛanne mal᷊uassa amungkangngu taumata lal᷊eo mate? Mangke tawe! I Ya'u mappulu i tou manantangngu manga rosane tadea'u i tou sidutu wiakka.

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

HOSEA 6:1

Manga taumatan Israel nabbisara, “Wette i ite mabbelengke ringannu Mawu. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

HOSEA 7:10

Awawungan taumatan Israel aasiloanna ringanu matualaga wuṛṛu maola'a tialan pasasal᷊an mangitou. Salaiwe sarangkanambone udde buatte natipussa, i mangitou tawe lai maddea'a si Ya'u, ara'e mabbelengnga ringang-Ku, Mawu Ruatan mangitou.

AMOS 5:2

Nanawote Israel apan ta'e parawanna, i tou sarun tate maarisikka apia! Su wowon letangnge sassane i tou niwala taweddu massumbala si tou dumarisikka.

MIKHA 7:8

Tawe pinangiananne su manga seetti ite lumuassu asasuasan kite. Ana waugu salaiwe i ite nanawo, i ite sarun mabbangunna apia. Orassa indi uatana'a sulal᷊ummu ararandumma, arawe Mawu sarun manualaga si ite.