YEREMIA 7:9 - WUKE SUSI WATTI'U AL᷊AL᷊USASSA

⁹ I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YEREMIA 7:9 Iomraidhean Croise

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

SASABANGNGA 20:3

Imbaṛṛangnga masubba manga Mawu waine. Passubbate si Ya'u.

YESAYA 1:13

Tawe gunane i yamiu mangapiddu sasambanu udde. Hal᷊urune maamuta si Ya'u. Ya'u maddantinna wuṛṛu tawe maataṛṛangnga ma'ellega si yamiu maddamean Bulanna Wakku, manga allon Sabat wuṛṛu manga allo wahewalla see lai manga pasasomban patataṛṛamawu. Sarangkanambone udde nil᷊al᷊eo manga rosanu wuṛṛu naola'a winabbawa-U; i Ya'u nallomete uapasanna.

YESAYA 58:2

I mangitou massubba si Ya'u miallo-miallo, wuṛṛu maapulu maasingkatta apulu-U, paṛṛimaunapa i mangitou ma'ola'a apapia, wuṛṛu satia su tita-U. I mangitou mabbisara manungku i mangitou mal᷊uassa massubba si Ya'u wuṛṛu maapulun tita-Ku apan matul᷊idda.”

YEREMIA 1:16

I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

YEREMIA 11:13

Manga mawun taumatan Yehuda manambo atonna, anambone ere manga soa mangitou. Tumana'u Yerusalem napararisikku manga mezbah anambone ere manga lal᷊anna su soan Yerusalem ipangonggollu sasamba su Monganna Baal.

YEREMIA 11:17

Ete i Ya'u apan napararisikku Israel wuṛṛu Yehuda, i Ya'u, Mawu Apan Lembontaṛṛino. Arawe, orassa indi i Ya'u buatte nakkiinna mandantan asasilaka si mangitou. Ete i mangitou sassane apan naarantaran sarangkanambone udde, ana waugu i mangitou buatte na'ola'a al᷊al᷊eo, eteudde mangngonggollu sasamba si Baal na'oman sara i Ya'u nasa'u.”

YEREMIA 13:10

Walahanna apan dal᷊eo indi tumaniten maattikka wuṛṛu maddiri tumuṛṛutta si Ya'u. I mangitou mattaṛṛamawu wuṛṛu massubba manga mawu waine. Ana waugu udde i mangitou sarun maola'a ere nasa maautta apan tate gunane udde.

YEREMIA 18:15

Arawe uma-U buatte naabul᷊i-U, wuṛṛu mannambunnu amania su paal᷊uanna. I mangitou nitara su lal᷊anna paarorone apan ṛinone amatanni mangitou, wua'udde sinumewadda su lal᷊anna apan taambe nilaukka.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

YEREMIA 44:3

Olangnge udde nariaddi ana waugu tumanangnge marosa, na'oman sara i Ya'u nasa'u. I mangitou mangngonggollu sasamba wuṛṛu mattaṛṛamawu su manga monganna apan taambe saran paassa sassubbanni mangitou sassane, i yamiu ara'e al᷊amonanu.

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

YEREMIA 44:9

I yamiu naabul᷊iten anambon al᷊al᷊eo su leta'u Yehuda wuṛṛu su manga lal᷊annu soan Yerusalem apan buatte niola'u al᷊amonanu, manga ratun Yehuda wuṛṛu manga awingnge, see i yamiu wuṛṛu manga awingngi yamiu?

YEREMIA 48:35

I Ya'u sarun ma'ola'a taumata Moab umaddo manambunnu sasamba su manga tampa pasasubbanni mangitou wuṛṛu umaddo mangonggollu sasamba su manga monganni mangitou. I Ya'u, Mawu, buatte nabbisara.

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

YEHEZKIEL 18:18

Ewe'e mawal᷊i'a, iamange apan apulune mammahia, mangngaṛṛo wuṛṛu ma'ola'a al᷊al᷊eo waine, sarun nate ana waugu manga rosa apan niolangnge sassane.

YEHEZKIEL 20:30

Nariaddi pasingkata'a su taumatan Israel apa apan i Ya'u, Mawu Apan Atanggaṛṛanne nabbal᷊o si mangitou. ‘Anio i yamiu na'ola'a manga rosa ere buatte niola'u iupungngu al᷊amonanu? Ere lai i mangitou, i yamiu lai mengngaṛṛussa manga paal᷊uanna apan maarantinna udde.

YEHEZKIEL 23:39

Sutempo itarua namate manga ana-U wuṛṛu nangonggolla su manga monganna, itarua taṛṛa tuari udde nirumanta su Wal᷊e-U wuṛṛu nalluhudda!

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

HOSEA 6:9

Manga imam su soa udde ere ammul᷊annu taumata taṛṛa ṛampassa apan mangngamo manga taumata sumabbi. Su lal᷊anna apan mattudda tampa susi su Sikhem i mangitou lai ma'ola'a pamamate! Anambon al᷊al᷊eo udde niola'i mangitou ringannu pattatudda.

AMOS 4:5

Pangonggollen roti maola'a aadiangkamannu si Ya'u, wuṛṛu pattal᷊imoṛṛongante manungku i yamiu buatte nangapiddu tatimun sasamba! Eteudde apan mal᷊uassa a'olaanni yamiu!

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

ROMA 2:2

I ite masingkata manungku amungkangngu Ruata maṛṛuumannu manga taumata apan inolaanne ereudde, apan niola'u Ruata udde tawe sal᷊ane.

TAHIUL᷊E 32:17

I mangitou mangngonggolu sasamba su manga ghaṛṛaho lal᷊eo apan bal᷊ine Ruata, su manga Mawu apan awagananni mangitou, manga Mawu wakku apan tawe iata'uttu al᷊amona mangitou.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

MAL᷊AṚṚUUNGNGA 5:8

Su tempo Israel mannatakke massubba monganna, pangalo napesangke su wanuan mangitou; suwallatu 40.000 awaṛaniannu walahanna, tawe saran sangkatou apan namasanna lutangnga.