YEREMIA 7:8 - WUKE SUSI WATTI'U AL᷊AL᷊USASSA

⁸ Arawe, atonna tawe gunane i yamiu mangimanna su manga wisara awusu.

YEREMIA 7:8 Iomraidhean Croise

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YEREMIA 13:25

Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.

YEREMIA 23:26

Maddatingngu tingngera manga nabi udde mangngal᷊iwun uma-U ringannu watti'a a'olaanni mangitou sassane?

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 28:15

Sarangkanambone udde ta'u niapasingkatta si Hananya, ana see i ya'u nabbisara apia, “Paddaringikka, ei Hananya! I'o tawe nirolokku Mawu; i'o buatte na'ola'a manga walahanna indi mangngimanna wisara awusu.

YEREMIA 4:10

Wua'udde i ya'u nabbisara, “Mawu Apan Atanggaṛṛanne, I'o buatte namahia taumatan Yehuda wuṛṛu tumana'u Yerusalem! I'o nabbisara manungku sarun pia paddarame, wutte'e orassa indi niawan kami su pentakku hal᷊ele.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 7:4

Arie pangimanna su mamamahia apan mabbisara, ‘I ite mal᷊angnganna, ana waugu indi Wal᷊en Mawu. Atonna indi Wal᷊en Mawu!’

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.