YEREMIA 7:4 - WUKE SUSI WATTI'U AL᷊AL᷊USASSA

⁴ Arie pangimanna su mamamahia apan mabbisara, ‘I ite mal᷊angnganna, ana waugu indi Wal᷊en Mawu. Atonna indi Wal᷊en Mawu!’

YEREMIA 7:4 Iomraidhean Croise

1 MARARATU 9:7

ne i Ya'u sarun mallimbuakka uma-U wuassu wanua apan buatte Ta'u nionggolla si mangitou. I Ya'u lai sarun manantangngu wal᷊en indi apan buatte Ta'u nitantunna maola'a tampa patataṛṛamawuanna si Ya'u. Suapan tampa taumatan Israel sarun lobbosanna wuṛṛu ilallage.

YESAYA 48:2

Salaiwe aroddi, i'o mangnga'u ringannu mal᷊uassa manungku i'o tumana'u soa na'ukkassa; wuṛṛu manungku i'o uaantimma Ruatan Israel apan isassaggo Mawu Apan Lembontaṛṛino.

YESAYA 59:4

I yamiu mangngalaen hatto tawe pangiananne wuṛṛu makkuungnga ringannu tawe atatul᷊idda. I yamiu mangngawusu wuṛṛu mangngasakku apa apan tawe gunane; i yamiu makkiinna ipandal᷊eo taumata waine wuṛṛu ma'ola'a al᷊al᷊eo.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEREMIA 28:15

Sarangkanambone udde ta'u niapasingkatta si Hananya, ana see i ya'u nabbisara apia, “Paddaringikka, ei Hananya! I'o tawe nirolokku Mawu; i'o buatte na'ola'a manga walahanna indi mangngimanna wisara awusu.

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

YEREMIA 29:31

nangirimmu watti'a su ola'i Semaya su anambon taumatan Israel apan niwuanga su Babel. Eteindi watti'a udde, “Semaya buatte nabbisara si yamiu ere ola'u i tou nabi; sumbal᷊i Ya'u, Mawu, tawe nandolokki tou. Ana waugu i tou buatte na'ola'a si yamiu mangngimanna su wisara awusu,

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 7:14

Ne, Wal᷊e-U apan pangngantinanni yamiu, wuṛṛu tampa apan Ta'u nionggolla su al᷊amonanu wuṛṛu si yamiu indi sarun Ta'u olaanna lai ere su Silo dorone.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

LUKAS 3:8

Pasiloa'e ringannu pallal᷊agunu manungku i yamiu nawal᷊ute wuassu manga rosanu! Arie mabbisara manungku Abraham udde iupungngu al᷊amonanu. Naunge: Wuassu manga watu indi lai Ruata wotongnge ma'ola'a papapulunni Abraham!