YEREMIA 5:3 - WUKE SUSI WATTI'U AL᷊AL᷊USASSA

³ Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YEREMIA 5:3 Iomraidhean Croise

PANDARIADDI 19:34

Tiṛṛabine iapa pahul᷊une nabbisara tuarine, “Masaṛṛabi ya'u buatte natilla ringanni papa! Takka ṛabbi i papa wu'ananni yaddua apia. Ana see atiille i'o ringanni tou. Tadea'u yadua sangkatou-sangkatou maasomba ana'a.”

1 MARARATU 13:33

I Ratu Yerobeam sidutu maddiri manantangngu pallal᷊agune apan dal᷊eo. Su ipallu'adda manga tampa patataṛṛamawuanna apan buatte niolangnge udde, i tou sidutu mammile imam wuassu manga amonanna wiasa. Walate isai apan mappulu, itenega mabbal᷊i imam.

2 MARARATU 1:13

Paassa lai ratu nandolokku sangkatou tembonannu tantara wuṛṛu siri liman pul᷊o tantarane. Tembonanne udde sinumaate su wuidda wuṛṛu napawe na'omate ringanni Elia i tou niumal᷊intudda wuṛṛu nabbisara, “Ampungewe yami, oh allangu Ruata! Akkanaawe i ya'u wuṛṛu mallal᷊aṛenggengku indi. Ariewe mamate siyami!

2 TAWARIKH 16:9

Mawu ual᷊u'adda ahewallu runia tadea'u mangonggolu atatohan-Ne su taumata apan matuṛṛutta si Tou. Inolaannu tumaniten longonna, ana waugu udde manattakka orassa indi i'o sidutu sarun mamendamma pangalo.”

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

DARALO 51:6

Su saruan-Nu, tumba'u su saruan-Nu i ya'u narosa, wuṛṛu a'olaangku pallal᷊aghu a'ellehan-Nu lal᷊eo. Ne suṛṛinone I'o makkuumangku, naṛṛinote apulu-Nu.

DARALO 51:8

I'o maddoronga atatul᷊iddu naungnga; loṛṛoiten naungku ringannu apande-Nu.

DARALO 55:20

Ruata mammarenta wuassu panattaṛṛanne sarun maddaringikka si ya'u wuṛṛu namaddon mangitou. Ana waugu i mangitou maddiri mawal᷊u, wuṛṛu tawe mata'uttu Ruata.

AMSAL 21:29

Taumata matul᷊idda mangngimanna watanganne; taumata lal᷊eo hatine maappalla.

AMSAL 22:12

Ringannu mammongkakku awusun taumata taṛṛa linga, Mawu mallu'adda tadea'u asingkatta apan atonna sarun lal᷊u'aranna.

AMSAL 23:35

Ana see i'o sarun mabbisara, “Al᷊imangke i ya'u nipuulla wuṛṛu niperon taumata, arawe i ya'u tawe maanaungnga apa apan buatte nariaddi. Uare, i ya'u tumaniten aamatiil᷊anna! I ya'u ṛinone ma'inumma apia!”

AMSAL 27:22

Salaiwe taumata woddo heseṛṛanna ma'ikka-ikkatta, tawe mawul᷊i awawoddone.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

YESAYA 9:13

Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

YEREMIA 15:7

Suapan soa su wanua indi i yamiu sarun Ta'u iramme ere wal᷊a'a. Salaiwe i yamiu uma-U arawe i Ya'u mamate si yamiu wuṛṛu al᷊aṛṛanangngu ana waugu i yamiu maddiri mamal᷊u ola'u pabbiaṛṛannu.

YEREMIA 17:23

Arawe al᷊amonanu maddiri maddaringikka ara'e mappandumma manga wisara-U. Naungngi mangitou maattikka, wuṛṛu maddiri tumuṛṛutta wuṛṛu tagguanna.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 3:3

Ana waugu udde ua'e wuassu langitta nataṛṛanganna, wuṛṛu uranna sutempon batianna tawe mangansalla. I'o naal᷊ihidda sumasandagga, wuṛṛu tawe masili.

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

YEREMIA 44:10

Arawe naddatingngu allo indi i yamiu tawe sumallungngu watangannu. I yamiu tawe mangaddatta si Ya'u wuṛṛu tawe mabbiakka tumuṛṛuttu tita apan Ta'u nionggolla si yamiu wuṛṛu su al᷊amonanu.

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

YEREMIA 8:5

Arawe anio i yamiu, uma-U, sidutu sussempalla wuṛṛu mannantang-Ku? I yamiu uaagassa matohassa su manga paal᷊uannu, wuṛṛu maddiri mabbelengnga ringang-Ku!

YEHEZKIEL 2:4

I mangitou puane maatikka wuṛṛu tawe mangadatta si Ya'u. I'o Ta'u irolokka inai ringanni mangitou iapapasingkatta apa apan i Ya'u, Mawu Apan Atanggaṛṛane mabbisara si mangitou,

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

IMAMATTA 26:23

Napawe buatte namendamma anambon ṛuumanna udde i yamiu lai taambe naddaringikka si Ya'u, arawe ta'e sidutu lullawanga si Ya'u,

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

AMOS 4:6

Ete i Ya'u apan mandantan al᷊aṛṛutumma su anambon soanu, arawe i yamiu maddiri mabbelengnga ringang-Ku.

AMOS 4:8

Su manga pira soa, tumanangnge nallometen ararou, maddea'a ua'e su soa waine, arawe ua'e isudde tawe mattiudda. Salaiwe aroddi, i yamiu ta'e lai maddiri mabbelengnga ringang-Ku.

AMOS 4:9

I Ya'u napaatiuppu anginna mal᷊oso wuṛṛu nangirimmu radda'u sasuanna apan mamate manga sasuanna see manga wawail᷊annu anggori yamiu. Manga alu ara, wuṛṛu manga allun zaitun nasuete nitaṛṛangassu saṛṛappalanna. Salaiwe aroddi i yamiu ta'e lai maddiri mabbelengnga ringang-Ku.

ZEFANYA 3:7

I Ya'u maṛṛingidda, ‘Orassa indi uma-U sarun mangaddatta si Ya'u wuṛṛu maddaringikka al᷊awo'u tatagu-U. I mangitou sarun mannaungnga al᷊aṛṛa'a apan Ta'u nionggolla si mangitou.’ Arawe wutte'e, i mangitou lembon maṛṛimadda lai ma'ola'a al᷊al᷊eo wuassu paarorone.

ROMA 2:2

I ite masingkata manungku amungkangngu Ruata maṛṛuumannu manga taumata apan inolaanne ereudde, apan niola'u Ruata udde tawe sal᷊ane.

IBRANI 12:9

I ite pia iamangnga su runia. I Tou mangngaṛṛa'a si ite, wuṛṛu i ite mangngaddatta si tou. Ne, nangillembo su saruannu Iamangngi ite su surga, natantuna i ite lembon matuṛṛuta si Tou tadea'u i ite wiakka.