YEREMIA 44:4 - WUKE SUSI WATTI'U AL᷊AL᷊USASSA

⁴ I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEREMIA 44:4 Iomraidhean Croise

2 TAWARIKH 36:15

Mawu, Ruatan al᷊amonan mangitou, masokkate mandolokku daroloṛṛanne mapanaungngu al᷊aṛanang-Nge, ana waugu i Tou marangngu si mangitou wuṛṛu su wal᷊e-Ne.

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

NEHEMIA 9:34

Al᷊amonan kami, ratu, imam wuṛṛu manga matatimmaddu wanua, nilumawangnga tita-Nu see tawe maddaringikka tita. Al᷊awo'u parenta wuṛṛu tataggu apan I'o buatte nangonggolla, tawe niapaamanne, tawe lai niraringiṛṛanna.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEREMIA 26:5

I yamiu ṛinone lai maddaringikka apan apan niwal᷊on allang-Ku, manga nabi apan sidutu Ta'u niorolokka ringanni yamiu. Arawe i yamiu maddiri maddaringikka si mangitou.

YEREMIA 29:19

Sarangkanambone udde sarun mariaddi si mangitou, ana waugu i mangitou tawe tumuṛṛutta tanata-U apan sidutu Ta'u iapappasingkatta si mangitou wuassu manga nabi manga allang-Ku. I mangitou maddiri manutukka tanata-U udde.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

YEREMIA 32:34

Ewe'e lai wal᷊en apan niola'a hunan tampan patataṛṛamawuanna si Ya'u buatte niluhuranni mangitou ringannu pinangaddoannu manga paal᷊uanni mangitou apan maarantinna su tampa udde.

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 35:17

Ana waugu udde, i Ya'u, Mawu Apan Lembontaṛṛino, Ruatan Israel, sarun mandanta si yamiu – manga taumatan Yehuda wuṛṛu Yerusalem – al᷊awo'u asasilaka apan buatte Ta'u tinantunna maṛṛia'a si yamiu, ere buatte Ta'u niwisara. Olangnge udde Ta'u olaanna ana waugu i yamiu maddari maddaringikka napawe i Ya'u mabbisara si yamiu, wuṛṛu i yamiu maddiri sumimbakka sutempo i Ya'u mamaggo si yamiu.”

YEREMIA 7:13

Salaiwe ete masokka i Ya'u mabbisara si yamiu, i yamiu maddiri maddaringikka. I yamiu ma'ola'a al᷊awo'u rosa udde, wuṛṛu maddiri sumimbakka napawe i Ya'u mamaggo.

YEREMIA 7:17

I'o buatte naasilo sassane apa apan a'olaanni mangitou su manga soan Yehuda wuṛṛu su manga lal᷊anna su Yerusalem!

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

YEREMIA 7:25

Ro'en al᷊amonanu sinumabbangnga wuassu Mesir naddatingngu allo indi Ya'u sidutu mandolokku manga allang-Ku, manga nabi, ringanni yamiu.

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

YEHEZKIEL 8:10

I ya'u lai sinumuttate wuṛṛu na'ellega. Manga darandungngu wabbo'a udde nihambarannu al᷊awo'u hatin atoanna wuṛṛu manga winatangnga apan ipappalli waine, see lai al᷊awo'u hambarannu paal᷊uanna apan sassubbannu manga taumatan Israel.

DANIEL 9:6

I yami tawe maddaringikka manga nabi, manga allang-Ngu udde, apan buatte nabbisara ringanu aran-Nu su manga ratun kami, su manga piaṛṛa'a manga al᷊amona wuṛṛu su anambon walahanni yami.

ZAKARIA 7:7

Eteudde apan niwal᷊on Mawu wuassu manga nabi sutempo nal᷊iu sutempo Yerusalem ta'e atatanaanna wuṛṛu tumanangnge su lal᷊umanna'a. Sutempo udde taumata wal᷊ine tumba'u uatana'a su manga ampungnga maranin soa arawe lai su wageangngu timukka wuṛṛu su wawal᷊annu manga wuidda su samba'an baṛṛetta.

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.