YEREMIA 42:4 - WUKE SUSI WATTI'U AL᷊AL᷊USASSA

⁴ I ya'u sinumimbakka, “Mapia amungkangngu aroddi. I ya'u manarimmattu darorongngu udde. I ya'u sarun umal᷊iomanna su Mawu Ruatang kite, wuṛṛu salaiwe apa sasimbak-Ke, i ya'u sarun mamasingkatta sarangkanambone udde si yamiu; saran sambau tawe ta'u iwuni si yamiu.”

YEREMIA 42:4 Iomraidhean Croise

DARALO 40:10

Sulal᷊ummu ammul᷊annu al᷊aṛṛanang-Ngu i ya'u mammasingkatu watti'u al᷊al᷊uassa manungku I'o buatte nanal᷊amatta si yami. Ringannu tawe illil᷊one olangnge udde iapasingkata, I'o masingkatu sarangkanambone udde, oh Mawu.

SASABANGNGA 8:29

Sasimbakki Musa, “Napawe i ya'u inaite, i ya'u apiddu umal᷊iomanna su Mawu tadea'u tiṛṛabbi manga lango udde manantangngi Tuangku, manga mammamanaran araratuanna wuṛṛu tumana'u araratuanna. Arawe arie pamahia si yami apia, wuṛṛu arie panal᷊are walahannu Israel inai mangonggolu sasamba su Mawu.”

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

YEREMIA 23:35

Mawal᷊i'a, sauapan taumata ṛinone maiwal᷊o hawene wuṛṛu amonanne, ‘Apa sasimbakku Mawu?’ ara'e ‘Apa apan niwisara Mawu?’

YEREMIA 26:2

Mawu nabbisara si ya'u, “Roote darisikka su rallakku Wal᷊e-U wuṛṛu pabbisarate su tumana'u Yehuda apan uddanta mattaṛṛamawu isudde. Wal᷊oa'a si mangitou sarangkanambone apan Ta'u nirolokka si'o tadea'u iapasingkatta si mangitou. Arie hainganna sarang kaddio'a.

YEHEZKIEL 2:7

Pasingkata'e anambon tanata-U si mangitou, tanne i mangitou mappulu maddaringikka ara'e maddiri. Naungete manungku i mangitou udde manga lumal᷊awangnga.

WATTI'U MANGA RASUL 20:20

Tuṛṛangnga masingkatta manungku i ya'u tawe illol᷊one mammasingkatta si yamiu apa apan mahuna si yamiu. I ya'u mangngaṛṛa'a si yamiu su tampa pasasombannu awadaalla wuṛṛu su manga wal᷊e.

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

ROMA 10:1

Manga tuṛṛangnga! I ya'u maapulu atonna tadea'u walahangku masal᷊amatta. Wuṛṛu i ya'u atonna-tonna u'al᷊iomanna su Ruata huna mangitou.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.