YEREMIA 42:3 - WUKE SUSI WATTI'U AL᷊AL᷊USASSA

³ tadea'u Mawu Ruata mapal᷊iatta'a si yami watukku apa ṛinone i yami inai wuṛṛu apa apan ṛinone manaranni yami.”

YEREMIA 42:3 Iomraidhean Croise

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

EZRA 8:21

Ana see su wingngin Sal᷊ukku Ahawa udde i ya'u niumal᷊iata manungku sarangkanambone ṛinone mappuasa wuṛṛu uma'ukku'u watanganne su saruannu Ruata. I yami niumal᷊iomanna tadea'u Ruata mamiaṛṛa'i yami sulal᷊ummu amatanna udde, see mallu'adda si yami, manga ana'i yami, wuṛṛu al᷊awo'u darotongngi yami.

DARALO 27:11

Pantingira'awe si ya'u apulu-Nu, oh Mawu, ehettawe i ya'u su lal᷊anna apan matul᷊idda, ana waugu see'u tumaniten manambo.

DARALO 86:11

Tantiroa'e apulu-Nu si ya'u, oh Mawu, tadea'u i ya'u mappaamatta ringannu matuṛṛutta; olaawe i ya'u ma'imanna ringannu ahewallu naungnga.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

TAHIUL᷊E 5:26

Apa piate taumata apan sidutu wiakka napawe naaringikka Mawu Ruata apan biakka udde mabbisara wuassu putungnga?

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!